3-6 fevral kunlari O‘zbekiston Respublikasi Energetika vaziri J.Mirzamahmudov boshchiligidagi O‘zbekiston delegatsiyasi amaliy tashrif bilan Slovakiyada bo‘lib turibdi.

Joriy yilning 4 fevral kuni O‘zbekiston Savdo-sanoat palatasi raisi o‘rinbosari Dilshod Rasulov Slovakiya poytaxti Bratislava shahrida ikki mamlakat vazirlik va idoralari, shuningdek, ishbilarmon doira vakillari ishtirokida bo‘lib o‘tgan O‘zbekiston-Slovakiya biznes-forumida qatnashdi. U o‘z taqdimotida O‘zbekistonning investitsion salohiyati va mavjud imkoniyatlarini namoyish etdi.

Forum doirasida Slovakiyaning yetakchi “BEH - Food Processing Technologies” korxonasi direktori Ladislav Xayko, “Vzduchotorg” korxonasi sotuv direktori Radoslav Masarik, “Elteco Group” korxonasi boshqaruvchisi Miroslav Kubala, shuningdek, “Tate & Lyle” va “Any TM” korxonalari rahbariyati bilan muzokaralar o‘tkazildi.

Uchrashuv chog‘ida O‘zbekiston Savdo-sanoat palatasi va tarmoq uyushmalari faoliyati haqida maʼlumot berildi, shuningdek, turizm va farmatsevtika sohalari bo‘yicha hamkorlik istiqbollari muhokama qilindi.

Forum yakunida Slovakiya kompaniyalari bilan o‘zaro manfaatli hamkorlikni kengaytirish yuzasidan qator G2B va B2B va uchrashuvlar bo‘lib o‘tdi.

SSP matbuot xizmati