“Yashil makon” umummilliy loyihasi doirasida Savdo-sanoat palatasi Navoiy viloyati hududiy boshqarmasi tomonidan Navbahor tumani Mirzamo‘min mahallasining 2 gektar yer maydonida “Yashil Vatanim” bog‘i tashkil etildi.

Ushbu hududda 2,5 ming dona mevali va 500 dan ortiq manzarali daraxtlar ekilib, atrof muhit yana-da ko‘rkamlashtirildi.

Eʼtiborli jihati, bog‘ oralarida 4 nafar kambag‘al oilalarga qishloq xo‘jaligi ekinlari ekish uchun yer ajratildi. Bu esa nafaqat ekologiyani yaxshilash, balki aholi farovonligini oshirishga ham hissa qo‘shadi.

Yangi bog‘ nafaqat hududga go‘zallik bag‘ishlaydi, balki mahalliy aholi uchun iqtisodiy imkoniyatlar yaratadi.

SSP matbuot xizmati