26 fevral kuni Toshkentda "O‘zbekistonda to‘qimachilik va suv ta'minoti: Germaniya-O‘zbekiston hamkorligining imkoniyatlari va istiqbollari" mavzuida forum bo‘lib o‘tadi

26 fevral kuni soat 09:00da «Wyndham Tashkent» mehmonxonasida "O‘zbekistonda to‘qimachilik va suv ta'minoti: Germaniya-O‘zbekiston hamkorligi imkoniyatlari va istiqbollari" mavzuida forum o‘tkazish rejalashtirilgan. Mazkur tadbir nemis korxonalari delegasiyasining ishbilarmonlik tashrifi doirasida tashkil etilmoqda.

Mazkur forumda mashinasozlik, to‘qimachilik va tikuvchilik sanoati uskunalarini ishlab chiqaruvchi, shuningdek texnologik suvdan foydalanish yechimlari sohalarida faoliyat yurituvchi  5 ta yetakchi nemis kompaniyalar ishtirok etishi kutilmoqda. Ishtirokchilar ro‘yxati bilan bu yerda tanishishingiz mumkin.

O‘zbekistonda to‘qimachilik sanoati va suv xo‘jaligi sohasidagi loyihalarni rivojlantirish va amalga oshirish uchun yaratilgan shart-sharoitlarni muhokama qilish, forumning asossiy mavzusi etib belgilangan.

Shuningdek, forum davomida nemis kompaniyalari vakillarining faoliyati to‘g‘risida taqdimotlar o‘tkaziladi. Forum dasturini yuklab olish.

Biz manfaatdor ishbilarmon doiralarni Germaniyaning yetakchi kompaniyalari bilan muzokaralarda qatnashishga taklif qilamiz. Ro‘yxatdan o‘tish uchun quyidagi raqam yoki elektron pochta manziliga murojat qilishingiz mumkin: +998 94 677 5775, Raykhon.Kasimova@ahk-za.kz.

SSP Axborot xizmati