2021 yilgi davlat dasturida Oʼzbekiston Savdo-sanoat palatasi jalb qilingan bandlar boʼyicha maʼlumot

Oʼzbekiston Savdo-sanoat palatasi Davlat dasturining 12 ta bandining ijrosini taʼminlashga jalb qilingan boʼlib, shundan 2 ta band boʼyicha asosiy ijrochi sifatida qayd qilingan.

Davlat dasturining 31, 35, 65, 75, 76, 79, 84, 88, 186, 187-bandlarida Palata hamkorligi talab qilinadi. Shuningdek, 162 va 163-bandlarning ijrosini taʼminlashda Palata bevosita masʼul hisoblanadi.

Dasturning 31-bandida: Biznes-ombudsmanning maʼmuriy huquqbuzarlikni rasmiylashtirish boʼyicha vakolatlarini aniqlash belgilangan boʼlib, ushbu band ijrosini taʼminlash boʼyicha 2021 yilning 1 mayiga qadar Oʼzbekiston Respublikasi Qonun loyihasi ishlab chiqish kerak. Band boʼyicha ijrochilar Biznes-ombudsman, Аdliya vazirligi, Iqtisodiy taraqqiyot vazirligi va Savdo-sanoat palatasi.

Dasturning 35-bandida: Texnik jihatdan tartibga solish sohasidagi tadbirkorlik faoliyatiga bevosita taʼsir koʼrsatadigan hujjatlarni tizimlashtirish boʼyicha normativ-huquqiy hujjat loyihasi 2021 yil 1 avgustga qadar Аdliya vazirligi, Monopoliyaga qarshi kurashish qoʼmitasi, Oʼzstandart agentligi, Savdo-sanoat palatasi va vazirlik va idoralar tomonidan ishlab chiqilishi belgilangan.

Dasturning 65-bandida: Nobank va boshqa moliyaviy tashkilotlar sharhini shakllantirish boʼyicha statistik hisobotlarni yuritish qoidalarini ishlab chiqish yuzasidan Vazirlar Mahkamasi qarori loyihasi 2021 yil 1 mayga qadar kiritilishi belgilangan. Ijrochilar sifatida Markaziy bank, Moliya vazirligi, Davlat statistika qoʼmitasi, Savdo-sanoat palatasi, Аdliya vazirligi biriktirilgan.

Dasturning 75-bandida: Investitsiyalar va tashqi savdo vazirligi, Iqtisodiy taraqqiyot vazirligi, Tashqi ishlar vazirligi, Bojxona qoʼmitasi, Savdo-sanoat palatasi, Аxborot texnologiyalari vazirligi amaliy chora-tadbirlarni belgilash asosida yil davomida MDHga aʼzo davlatlar oʼrtasida elektron sanoat kooperatsiya aloqalarini tashkil etish va kengaytirish vazifasi yuklatilgan.

Dasturning 76-bandida: Yil davomida amaliy chora-tadbirlar asosida Iqtisodiy taraqqiyot vazirligi, Savdo-sanoat palatasi va Qoraqalpogʼiston Respublikasi Vazirlar Kengashi, viloyatlar va Toshkent shahar hokimliklari hududiy, tarmoq va Respublika miqyosidagi sanoat yarmarkalarini tashkil etish va oʼtkazishi belgilangan.

Dasturning 79-bandida: Hududlarni ijtimoiy-iqtisodiy rivojlantirishni reyting baholash borasida tizimli monitoring oʼrnatish va nazoratini amalga oshirish hamda takomillashtirish belgilangan boʼlib, amaliy chora-tadbirlar dasturi asosida yil davomida ushbu vazifani amalga oshirish rejalashtirilgan.

Ijrochilar sifatida Iqtisodiy taraqqiyot vazirligi, Moliya vazirligi, Markaziy bank, tijorat banklari, Bandlik va mehnat munosabatlari vazirligi, Investitsiyalar va tashqi savdo vazirligi, Mahalla va oilani qoʼllab-quvvatlash vazirligi, Davlat soliq qoʼmitasi, Davlat statistika qoʼmitasi, Davlat bojxona qoʼmitasi, Biznes-ombudsman, Savdo-sanoat palatasi masʼul hisoblanadi.

Dasturning 84-bandida: Tadbirkorlik faoliyati bilan bogʼliq normativ-huquqiy hujjatlarni qayta koʼrib chiqib, Tadbirkorlik kodeksi loyihasini ishlab chiqish rejalashtirilgan.

Tadbirkorlik kodeksi Аdliya vazirligi, Savdo-sanoat palatasi, Biznes-ombudsman, Iqtisodiy taraqqiyot vazirligi va Soliq qoʼmitasi tomonidan tayyorlanib, Oʼzbekiston Respublikasi qonuni loyihasi 2021 yil 1 oktyabrga qadar kiritilishi belgilangan.

Dasturning 88-band: Bandlik va mehnat munosabatlari vazirligi, Moliya vazirligi, Mahalla va oilani qoʼllab-quvvatlash vazirligi, Yoshlar ishlari agentligi, Iqtisodiy taraqqiyot vazirligi, Savdo-sanoat palatasi, Аdliya vazirligi 2021 yil 1 aprelga qadar Ishsiz aholini tadbirkorlikka va oʼzini oʼzi band qilib ishlash faoliyatiga jalb qilish boʼyicha nomativ-huquqiy hujjat loyihasini ishlab chiqish vazifasi topshirilgan.

Dasturning 162-bandida: “Yoshlar: 1+1” dasturi doirasida uyushmagan va ishsiz yoshlarni kasb-hunar va tadbirkorlikka oʼqitish vazifasini chora-tadbirlar dasturi asosida yil davomida amalga oshirishga Savdo-sanoat palatasi, “Hunarmand” uyushmasi, Bandlik va mehnat munosabatlari vazirligi, Yoshlar ishlari agentligi va Qoraqalpogʼiston Respublikasi Vazirlar Kengashi, viloyatlar va Toshkent shahar hokimliklari biriktirilgan.

Dasturning 163-bandda: Аmaliy chora-tadbirlarni belgilab, “Har bir tadbirkor – yoshlarga madadkor” tamoyili asosida koʼngilli tadbirkorlarni jalb etgan holda 1 nafar tadbirkorga 1 nafardan ishsiz yoshlarni biriktirish tashabbusini amalga oshirish belgilangan.

Ushbu vazifa ham yil davomida amalga oshirilishi rejalashtirilgan boʼlib, ijrochi tashkilotlar sifatida Savdo-sanoat palatasi, Yoshlar ishlari agentligi masʼul sifatida biriktirilgan.

Dasturning 186-bandida: Hamshira va feldsherlarning obroʼsi va mavqeini oshirish maqsadida “hamshiralik ishi” bilan mustaqil shugʼullanish uchun ruxsat berish boʼyicha 2021 yil 1 iyulga qadar normativ-huquqiy hujjat loyihasini kiritish lozim. Bu bandni ijrochilari Sogʼliqni saqlash vazirligi,  Bandlik va mehnat munosabatlari vazirligi, Savdo-sanoat palatasi va Аdliya vazirligi hisoblanadi.

Dasturning 187-bandida: Olis va chekka hududlarda birlamchi va ixtisoslashgan tibbiy yordam koʼrsatish va ehtiyojmand aholi uchun skrining va davolash tadbirlariga xususiy shifoxonalarni jalb etish va ularga subsidiya ajratish belgilangan.

Band ijrochilari Sogʼliqni saqlash vazirligi, Moliya vazirligi va Savdo-sanoat palatasi amaliy chora tadbirlarni belgilab, yil davomida vazifani amalga oshirishi lozim.

SSP Matbuot xizmati