Qoʼqon shahrida boʼlib oʼtadigan II Xalqaro hunarmandchilik festivali shiorini ishlab chiqish uchun tanlov eʼlon qilinadi.

Diqqat tanlov !!!

2021 yil 10-15 sentyabr kunlari Qoʼqon shahrida boʼlib oʼtadigan II Xalqaro hunarmandchilik festivali shiorini ishlab chiqish uchun tanlov eʼlon qilinadi.

Ijodiy tanlovda professional yozuvchi, shoir, jurnalistlar bilan bir qatorda jismoniy shaxslar (frilanserlar, hunarmandlar, talabalar va h.z) ham ishtirok etishi mumkin.

Shiorning oʼziga xos versiyasini ishlab chiqing va taʼrifini qisqacha bayon eting. Shior loyihasi Festivalning mohiyatini yoritib beruvchi ramziy xususiyatlarga, betakror badiiy yechimga, badiiy gʼoyaning izchilligiga ega boʼlishi, festivalь mavzusiga mosligi, shior xalq amaliy sanʼati hunarmandchilikni ifodalashi, Uchinchi Renessans davriga qadam qoʼyayotgan davlat deb eʼtirof etilgan bugungi Oʼzbekistonning yangicha taraqqiyot davrini qamrab olishi hamda II Xalqaro hunarmandchilik festivalini tarannum etgan boʼlishi kerak.

Ijodiy tanlovning mukofot fondi: birinchi oʼrin uchun beriladigan bir martalik mukofot puli 5 000 000 (besh million) soʼmni tashkil etadi .

Tanlovga taqdim qilingan materiallar  2021 yil 14 mart soat 1400 ga qadar qabul qilinadi.

2021 yilning 15 may kuni gʼolib eʼlon kilinadi va uning shiori festival shioriga aylanadi.

Shior loyihalari fayl va taʼrif matnini 2021 yil 14 mart soat 1400 ga qadar quyidagi manzilga yuboriladi: Oʼzbekiston Respublikasi , 100185. Toshkent shahri Doʼmbirobod koʼchasi
74-uy. Telefon orqali maʼlumotlar: (+99871) 279-80-88, ye-mail: info@handicraftman.uz

SSP Аxborot-xizmati