Hindiston kompaniyasi bilan qishloq xo‘jaligida hamkorlik qilish istagidagi mahalliy tadbirkorlik subyektlari diqqatiga!

O‘zbekiston Savdo-sanoat palatasiga Hindistonning ko‘p tarmoqli kompaniyasi murojaat qilib, respublikamizning mahalliy tadbirkorlik subyektlari bilan qishloq xo‘jaligida klaster yo‘nalishida hamkorlik qilishga qiziqish bildirgan.

Bunda piyoz va sarimsoq piyozni yetishtirish, qayta ishlash va eksport qilish loyihasini amalga oshirish ko‘zda tutilgan.

Ushbu loyihani ikki bosqichda amalga oshirish ko‘zda tutilgan bo‘lib, uning shartlari quyidagicha:

 - qishloq xo‘jaligi va klaster sohasida tajribaga ega bo‘lishi;

 - 1000 gektar hajmdagi sug‘oriladigan, yer maydonining bo‘lishi;

 - uzluksiz gaz va elektr tarmog‘iga ulangan infratuzilmaning mavjudligi.

Shu munosabat bilan Hindiston kompaniyasi bilan hamkorlik qilish istagidagi tadbirkorlik sub'ektlari ilovadagi so‘rovnomani to‘ldirib, elektron ko‘rinishda 2021 yil 30 martga qadar Palataning Eksportga ko‘maklashish boshqarmasi expo@chamber.uz elektron manziliga taqdim etishlari mumkin.  

Qo‘shimcha ma'lumot uchun Palataning Eksportga ko‘maklashish boshqarmasi  xodimi A'zamov Sardorga +998 (78) 150-60-06 telefon raqami bo‘yicha qo‘ng‘iroq qilish mumkin.

SSP Axborot-xizmati