Aholi va tadbirkorlarga keng imkoniyatlar yaratilmoqda

O‘zbekiston Respublikasi Prezidentining 2021 yil 23 martdagi  “Aholi va tadbirkorlik sub'ektlariga davlat xizmatlaridan foydalanishda yanada qulay sharoitlar yaratish, bu borada byurokratik to‘siqlarni qisqartirish bo‘yicha qo‘shimcha chora-tadbirlar to‘g‘risida”gi PF-6191-son Farmoni imzolandi.

2021 yil 1 maydan boshlab xorijga chiqish biometrik pasportini rasmiylashtirish uchun ariza-anketani va davlat boji to‘lovini elektron tarzda Yagona interaktiv davlat xizmatlari portali orqali qabul qilish imkoni yaratiladi.

2021 yil 1 iyundan boshlab aholidan, shuningdek tadbirkorlik subyektlaridan davlat organlari tomonidan quyidagi 18 ta hujjatlar ma'lumot va hujjatlar talab etish tartibi bekor qilinadi, jumladan:

 - shaxsni tasdiqlovchi hujjatning nushasi;

 - shaxsning belgilangan shakldagi fotosurati;

 - tibbiy-ijtimoiy ekspert komissiyalarining ma'lumotnomalari;

 - mehnat daftarchalari va ularning nusxalari;

 - ish haqi va ish stajini, oliy va o‘rta maxsus ta'lim muassasasida o‘qiganlikni tasdiqlovchi arxiv ma'lumotnomalari;

 - kadastr hujjatlari va ularning nushalari

 - tug‘ilish, o‘lim, nikohni qayd etish va nikohdan ajralganlik to‘g‘risidagi ma'lumotlar.

Shuningdek, quyidagi faktlarni tasdiqlovchi hujjatlar:

 - ruhiy kasalliklar bo‘yicha dispanser hisobida turishi yoki turmasligi;

 - narkologiya bo‘yicha dispanser hisobida turishi yoki turmasligi;

 - manzil-ma'lumot axboroti;

 - fuqaroning nomida shaxsiy uy-joy mavjud yoki mavjud emasligi;

 - turar joyining maydoni;

 - soliq qarzi mavjud yoki mavjud emasligi;

 - soliq to‘lovchi jismoniy shaxslarning davlat soliq xizmati organlarida hisobga qo‘yilganligi;

 - pensiya va nafaqa miqdori;

 - pensiya va nafaqa oluvchilar ro‘yhatida mavjud yoki mavjud emasligi;

 - nikoh qayd etilganligi, nikohda bo‘lmasligi yoki nikohdan ajralganligi.

Ushbu tartib asosida davlat organlari va tashkilotlari  tomonidan jismoniy shaxslarga davlat xizmatlarini ko‘rsatishda, ishga qabul qilish jarayonida va boshqa ma'muriy tartib-taomillarni qo‘llashda ayrim turdagi ma'lumotlar va elektron ko‘rinishdagi hujjatlarini “Elektron hukumat” tizimi idoralararo integratsiyalashuv platformasidan foydalangan holda berish mas'ul bo‘lgan davlat organlari va tashkilotlar so‘rab olishlari mumkin.

Farmonda belgilangan vazirlik va idoralar bilan birgalikda 2021 yil 1 mayga qadar o‘zlarining axborot tizimlarini “FXDYoning yagona elektron arxivi” axborot tizimiga integratsiya qilinadi.

Shuningdek, 2021 yil 1 maydan boshlab FHDYo organlarining ushbu bandda belgilangan organlariga jismoniy shaxsning o‘limi qayd qilinganligi to‘g‘risidagi ma'lumotni taqdim etish bekor qilinadi.

2021 yil 1 iyundan boshlab fuqarolik holati dalolatnomalarini yozish organlari tomonidan davlat statistika organlariga dalolatnoma yozuvlarini yuborish va hisobotlarni topshirish amaliyoti bekor qilinadi. Shuningdek, davlat statistika organlari “FHDYoning yagona elektron arxivi” axborot  tizimiga o‘zining elektron tizimlarini integratsiya qilgan holda ushbu ma'lumotlarni real vaqt rejimida oladi va statistik hisobotlarni shakllantiradi.

Huquqni muhofaza qiluvchi organlar, Monopoliyaga qarshi kurashish qo‘mitasi va Davlat aktivlarini boshqarish agentligi tomonidan tadbirkorlik sub'ektlari to‘g‘risidagi ma'lumotlarni Agentlik va davlat xizmatlaridan so‘rab olish amaliyoti bekor qilinadi. Mazkur tashkilotlar tadbirkorlik sub'ektlari to‘g‘risidagi ma'lumotlarni endi Tadbirkorlik sub'ektlarini davlat ro‘yhatidan o‘tkazish va hisobga qo‘yishning avtomatlashtirilgan tizimidan olinadi.

Mazkur Farmon bilan davlatimizda amalga oshirilayotgan istiqbolli islohotlar natijasida aholiga davlat xizmatlarini ko‘rsatish tizimi takomillashtirilayotganligi, ishbilarmonlik muhitini yanada yaxshilash,  shuningdek, aholini idorama-idora sarson bo‘lishi oldini olinadi.

SSP Axborot-xizmati