“Koʼchma savdo faoliyatiga zamonyoaviy axborot texnologiyalarini yanada keng joriy etish hamda savdo avtomati orqali chakana savdo faoliyatini tartibga solish chora-tadbirlari toʼgʼrisida”gi 485-sonli Qarori toʼgʼrisida maʼlumot

Mazkur Qarorda koʼchma savdoni amalga oshirish talablari va shartlari, koʼchma savdo obyektlarini roʼyxatdan oʼtkazish tartib-tamoillari, elektron auksion orqali koʼchma savdo joylarini sotish, koʼchma savdo amalga oshiriladigan transport vositasini roʼyxatdan oʼtkazish tartibi, koʼchma savdoni amalga oshirish tartibi, mavsumiy kafelarni oʼrnatish (qurish) boʼyicha ruxsatnoma berish, ularni oʼrnatishga (qurishga) va ularning ishlashiga qoʼyiladigan talablar, mavsumiy kafelarni oʼrnatish (qurish) va ulardan foydalanish boʼyicha nazoratni amalga oshirish mexanizmlarini nazarda tutuvchi umumiy ovqatlanish korxonalari, mavsumiy kafelarining ishlash tartibi belgilangan.

Shuningdek, koʼchma savdo faoliyatiga zamonaviy axborot texnologiyalarini joriy etish yuzasidan quyidagi chora-tadbirlar amalga oshirilishi koʼzda tutilgan.

1. Oʼzbekiston Respublikasi Prezidentining 2021 yil 4 iyundagi “Koʼchma savdo faoliyatiga zamonaviy axborot texnologiyalarini yanada keng joriy etish hamda savdo avtomati orqali chakana savdo faoliyatini tartibga solish chora-tadbirlari toʼgʼrisida”gi PQ-5136 qarori bilan 1 dekabrdan boshlab:

• Tadbirkorlik subyektlari tomonidan koʼchma savdo obyektlarini elektron tarzda «K—SAVDO» avtomatlashtirilgan axborot tizimida  roʼyxatdan oʼtkazish yoʼli bilan amalga oshiriladi;
• Koʼchma savdo joyi koʼchma savdo obyektlarining joylashish sxemalari boʼyicha  «K — SAVDO» ААT orqali elektron auksionda sotiladi;
• Vazirlik va idoralar tomonidan bir oy muddatda oʼzlarining tizimlaridagi tashkilotlarda savdo avtomatlarini oʼrnatish mumkin boʼlgan maydonlarni tadbirkorlik subyektlariga ijaraga berish maqsadida belgilangan tartibda onlayn-auksionga chiqarish choralari koʼriladi;

2. Oʼzbekiston Respublikasi Davlat soliq qoʼmitasi Аxborot texnologiyalari va kommunikatsiyalari vazirligi bilan birgalikda 2021 yil 1 noyabrga qadar “K—SAVDO” ААTni ishga tushirishi belgilandi. Mazkur portal orqali quyidagilar amalga oshiriladi:

• koʼchma savdo obyektlarini roʼyxatdan oʼtkazish uchun buyurtma beriladi;
• koʼchma savdo joylarining xaritalari joylanadi;
• aholi punktlari boʼyicha koʼchma savdo joylarining sxemalariga muvofiq elektron auksionlar amalga oshiriladi;
• auksion gʼolibi tomonidan koʼchma savdo joyi uchun toʼlovlar amalga oshirilishi, shuningdek, pul mablagʼlari qaytariladi;
• tadbirkorlik subyektlariga real vaqt rejimida QR-kod qoʼyilgan elektron shakldagi guvohnoma yuboriladi;
• koʼchma savdo joylashish sxemasida mavjud boʼsh turgan va band qilingan koʼchma savdo joylari toʼgʼrisida maʼlumotlar olish imkoniyati vujudga keladi;
• portalda koʼchma savdo obyektlari reestri yuritiladi;
• 2021 yil 1 oktyabriga qadar Oʼzbekiston Respublikasi Yagona interaktiv davlat xizmatlari portalida umumiy ovqatlanish korxonalarining mavsumiy kafelarini joylashtirish boʼyicha elektron ariza berish xizmati joriy etiladi;
• 2021 yil  1 noyabrga qadar har bir tuman (shahar) kesimida koʼchma savdo joylarini tanlash va koʼchma savdo obyektlarining joylashish sxemalarini tuzish hamda ularni «K — SAVDO» ААTga joylashtirilishi belgilangan.

SSP Axborot-xizmati