TADBIRKORLAR DIQQATIGA!

O‘zbekiston Savdo-sanoat palatasi Germaniya xalqaro hamkorlik jamiyati (GIZ) bilan birgalikda Iqtisodiyot va iqlimni muhofaza qilish federal vazirligining O‘zbekiston bilan nemis menejerlarini tayyorlash bo‘yicha “Fit for Partnership” dasturida ishtirok etish uchun tanlov e’lon qiladi.

Dasturdan ko‘zlangan maqsad O‘zbekiston kompaniyalari rahbarlarini Germaniya bilan savdo-iqtisodiy hamkorlikni yo‘lga qo‘yishga tayyorlash, shuningdek, xalqaro menejment va xalqaro biznes sohasida boshqaruv vakolatlari va malakalarini oshirishdan iborat.

Nomzodga qo‘yiladigan asosiy talablar:

• rahbarlik lavozimida ishlashi
• oliy ma’lumotga ega bo‘lish
• ingliz tilini bilish
• rahbar lavozimidagi ish tajribasi 3 yildan oshiq bo‘lishi
• germaniyalik biznes hamkorlari bilan hamkorlik loyihasining mavjudligi.

Dasturning davomiyligi 8 hafta:
6 hafta onlayn trening, 2 hafta Germaniyada amaliyot o‘tkaziladi (Germaniya Iqtisodiyot va iqlimni muhofaza qilish federal vazirligi tomonidan moliyalashtiriladi).

Rezyumelar joriy yilning 15-iyuniga qadar d.dusmuratova@gmail.com elektron pochtasi orqali yuborilishi so‘raladi.

Nomzodlar tanlov asosida saralab olinadi.