Bandixon tumanida "Tadbirkorlar xiyoboni" ochildi

Prezidentimizning 2023 yil 23 yanvardagi “Savdo-sanoat palatasi faoliyatini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-15-sonli Qarorining ijrosini ta’minlash maqsadida Surxondaryo viloyatining Bandixon tumanida "Tadbirkorlar xiyoboni" tashkil etildi.

Xiyobon ochilish marosimida tuman hokimi A.Allamurodov, O‘zbekiston Savdo-sanoat palatasi mutasaddilari, nuroniylar,  tadbirkorlik subyektlari vakillari ishtirok etdi.

Tadbirga yig‘ilganlar xiyobonda  ishbilarmon doira vakillari uchun yaratilgan shart-sharoitlar bilan yaqindan tanishdi.

Mazkur xiyobon tadbirkorlikka intiluvchilarning ehtiyojlarini qondirish uchun mo‘ljallangan bo‘lib, biznes o‘sishini rag‘batlantirish uchun bir qator qulayliklar va imkoniyatlarni taklif etadi.

Tadbirkorlar xiyoboni potensial investorlar bilan biznes-loyihalarni muhokama qilish va B2B uchrashuvlarini o‘tkazish uchun mo‘ljallangan maxsus xonalar bilan ta’minlangan.

SSP matbuot xizmati