"Solarex Istanbul" кўргазмасида иштирок этишга таклиф этамиз

Жорий йилнинг 6-8 апрель кунлари Туркиянинг Истанбул шаҳрида "Solarex Istanbul" қуёш энергияси ва технологияларига оид маҳсулотлар кўргазмаси бўлиб ўтади.

Кўргазма доирасида B2B учрашувлар, симпозиумлар, конференсиялар ҳамда молия, инвестиция ва ишлаб чиқариш соҳаларида семинарлар ташкил этилади.

Ушбу кўргазмада 350 дан ортиқ компаниялар, жумладан, хусусий тадбиркорлар, инвесторлар, агентликлар ва дистрибюторлар, дилерлик хизматларини олмоқчи бўлган корхоналар, Савдо-саноат палаталари, эксперт ва муҳандислар иштирок этиши кутилмоқда.

Қатнашувчи маҳсулотлар:

• Зарядловчи қурилмалар, батареялар
• Ўлчаш ва назорат қилиш технологиялари
• Кабеллар
• Қуёш панеллари
• Иссиқлик технологиялари, қопламалар
• Иситиш-совутиш ускуналари ва бошқалар.

Ушбу кўргазмада иштирок этиш истагини билдирган корхоналар рўйхатдан ўтиш учун +99890 917 20 18 телефон рақами орқали мурожаат қилишингиз мумкин.