Андижон вилоятида биогаз қурилмасининг тантанали очилиш маросими бўлиб ўтди

Лойиҳанинг очилишида БМТ Тараққиёт дастурининг доимий вакили Стефан Приснер, Булоқбоши тумани ҳокимлиги ва Савдо-саноат палатаси ва Ташқи иқтисодий алоқалар, инвестициялар бошқармаси ходимлари фермерлар, тадбиркорлар, маҳалла фаоллари ва аҳоли вакиллари иштирок этдилар.

Ушбу биогаз қурилмаси кунига 4 тонна ишлаб чиқариш қувватига эга бўлиб, биогаз қурилмасидан олинган органик ўғитлар мева-сабзавотлар хосилдорлигини 4 фоизгача ортиши ҳамда экологик тоза қишлоқ хўжалик маҳсулотларини кўпайтиришга омил бўлиши мутахассислар томонидан тантана иштирокчиларига етказилди.

Бу янгилик иқтисодий жиҳатдан фойдали ва атроф муҳитни муҳофаза қилишда катта аҳамиятга эга бўлганлиги боис фермер хўжаликларда, тадбиркорларда ва махалла аҳлида қизиқиш уйғотди ва келгусида бундай лойиҳаларни купайтириш юзасидан бир нечта таклифлар билдирилди.

ЎзССП Матбуот хизмати