“SGS” хорижий корхонаси билан ҳамкорлик йўлга қўйилди

“Ўзстандарт” агентлиги томонидан Ўзбекистон Республикаси Президентининг 2016 йил 5 октябрдаги “Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя килишга ва ишбилармонлик муҳитини сифат жиҳатидан яхшилашга доир қўшимча чора-тадбирлар” тўғрисидаги ПФ-4848-сон Фармони ва Ўзбекистон Республикаси Вазирлар Махкамасининг 2016 йил 15 июндаги “Янги ва қайта ишланган мева-сабзавот маҳсулотларини экспорт килиш тартиби тўғрисидги низомни тасдиқлаш ҳақида”ги 207-сон қарорлари ижросини таъминлаш мақсадида бир қатор ишлар амалга оширилди.

Жумладан, озик-овқат маҳсулотларини ишлаб чиқариш ва экспорт килиш соҳасини ривожлантириш, экспортбоп маҳсулотларни ишлаб чиқаришга кўмаклашиш, Ўзбекистон Республикаси ҳудудида бажарилган синовларни хорижий давлатларда тан олинишини таъминлаш мақсадида “Ўзстандарт” агентлиги “Тошкент синов ва сертификатлаштириш маркази” ДКнинг “Кимё-биология” синов лабораторияси 2016 йилда халқаро даражада аккредитациядан ўтказилди ва “SGS” хорижий корхонаси билан ҳамкорликни йўлга қўйди.

Маълумот учун: "SGS" компаниясининг дунё бўйлаб 1800 дан ортиқ тармоқлари-офиси ва лабораториялари мавжуд бўлиб, 140 давлатда фаолият юритади.

Халқаро аккредитация ва "SGS" хорижий корхонаси билан тузилган ҳамкорлик шартномаси ҳозирги кунда “Кимё-биология” синов лабораториясида амалга оширилган синовлар ҳамда расмийлаштирилган синов баённомаларини хорижий давлатларда тан олинишига замин яратди.

“Ўзстандарт” агентлиги томонидан тақдим этилган материаллар асосида тайёрланди