Қорақалпоғистон Республикасида навбатдаги телекўрсатув тасвирга олинди

Ўзбекистон Республикаси Президентининг 2017 йил 17 мартдаги “Қорақалпоғистон Республикаси ва Хоразм вилоятида тадбиркорлик фаолиятини юритишда қўшимча қулай шарт-шароитлар яратиш чора-тадбирлари тўғрисида”ги ПҚ-2843 сонли қарорининг мазмун моҳиятини кенг халқ қатламига етказиш мақсадида 2017 йил 24 март куни Қорақалпоғистон Республикаси «Күнниң темасы» (Кун мавзуси) деб номланган телекўрсатув тасвирга олинди.

Ушбу кўрсатувни Ўзбекистон Савдо-саноат палатаси Қорақалпоғистон Республикаси бошқармаси бошлиғи Қайпназаров Хожамурат Моятдинович бошқариб борди ва унда, Ўзбекистон Савдо-саноат палатасининг Бизнесни ривошлантириш истиқболлари бўлими бошлиғи Ф.Омонов, «Ўзэлтехсаноат компанияси бошқарма бошлиғи А.Миржалилов, «Ўзфармсаноат» Акциадорлик концерни бўлим бошлиғи Ж.Адилов, «Ўзқурилиш материаллари» Акциадорлик жамияти бўлим бошлиғи Н.Мирсагатовлар иштирок этишди.

Кўрсатув давомида иштирокчилар ўз баёнатлари билан сўзга чиқиб, кўрилаётган мавзу юзасидан кенг турда тухталиб ўтишди. Ўзбекистон Савдо-саноат палатаси Қорақалпоғистон Республикаси бошқармаси бошлиғи Х.Қайпназаров Ўзбекистон Республикаси Президентининг 2017 йил 17 мартдаги ПҚ-2843-сонли Қарорининг тадбиркорлик субъектлари учун аҳамияти ҳақида кенг турда айтиб ўтди. Жумладан, ушбу қарор Қорақалпоғистон Республикаси корхоналари, хусусан  3 та саноат йўналиши: қурилиш материаллари, электротехника ва фармацевтика саноатлари корхоналари учун жуда кенг ва рақобатбардош иш мухитини яратади. Шунингдек, Қорақалпоғистон Республикаси ва Хоразм вилоятида рўхатдан ўтган ва ушбу худудларда фаолият юритаётган юридик шахсларнинг ўз маҳсулотлари экспортидан келиб тушадиган валюта тушимини мажбурий сотишдан озод этилишидир. Шу билан бирга, ушбу қарор билан Қароқалпоғистон Республикаси ва Хоразм вилоятида рўйхатдан ўтган ҳамда фармацевтика, электротехника (кабел маҳсулотларидан ташқари) ҳамда пардозлаш қурилиш материаллари ишлаб чиқаришга ихтисослашган корхоналарни мол-мулк солиғи, ер солиғи, инфратузилмани ривожлантириш солиғи ҳамда Республика йўл жамғармасига мажбурий тўловлардан озод этилиши белгиланган.

Шундан сўнг, Ўзбекистон Савдо-саноат палатаси Бизнесни ривошлантириш истиқболлари бўлими бошлиғи Ф.Омонов ушбу қарор билан ҳудуддаги йирик корхоналарга имтиёз ва преференциялар берилиб, республикамизда микрофирма ва кичик корхоналарга рақобатдош бўла олиш имконини яратаётганлиги тўғрисида айтиб ўтди. Жумладан, агарда олдин йирик корхоналар экспортдан оладиган валюта тушумларининг тенг ярми яъни 50 фоизи Марказий банкга сотилган бўлса, эндиликда ушбу валюта тушумининг тўлиқ суммаси корхона ихтиёрига қолдирилади.

Шундан кейин , «Ўзэлтехсаноат компанияси бошқарма бошлиғи А.Миржалилов, «Ўзфармсаноат» Акциадорлик концерни бўлим бошлиғи Ж.Адилов, «Ўзқурилиш материаллари» Акциадорлик жамияти бўлим бошлиғи Н.Мирсагатовлар ушбу қарорнинг Қорақалпоғистон Республикасида қурилиш материаллари, электротехника ва фармацевтика саноатларида фаолият юритаётган корхоналарга қанчалик аҳамиятли бўлиши тўғрисида айтиб, ушбу фаолият бўйича бугунги кундаги ҳолат ва имкониятлар тўғрисида маълумотлар беришди.

ЎзССП ахборот хизмати