Хўжалик юритувчи субъектларида ўтказиладиган режали текширувлар юзасидан семинар-тренинг ташкиллаштирилади

Жорий йилнинг 4 май куни соат 10:30да Ўзбекистон Савдо-саноат палатасида Назорат қилувчи органлар фаолиятини мувофиқлаштирувчи Республика кенгаши томонидан 2017 йил учун тасдиқланган режа дастурига асосан хўжалик юритувчи субъектлардаги текширувлар юзасидан семинар-тренинг ўтказилиши режалаштирилган.

Тадбир Ўзбекистон Савдо-саноат палатаси ҳамда “Karamatov va advokatlar” Адвокатлик фирмаси ҳамкорлигида ташкил этилиб, Ўзбекистон Савдо-саноат палатаси Ижро этувчи қўмитаси ҳамда ҳудудий бошқармалари биноларида видеоконференция тарзида ўтказилади.

Семинар-тренингда Қорақалпоғистон Республикаси, вилоятлар ва Тошкент шаҳрида фаолият юритувчи тадбиркорлик субъектлари иштирок этиши кутилмоқда.

Тадбирда қатнашиш истагини билдирган тадбиркорлар (+99871) 150-60-06 телефон рақами орқали ўзлари фаолият юритувчи ҳудуддаги Ўзбекистон Савдо-саноат палатаси бўлинмаларига мурожаат қилишлари мумкин.

ЎзССП ахборот хизмати