Илмий-таълим маркази тингловчилари билан учрашув

2017 йил 5 майда Ўзбекистон Республикаси Савдо-саноат палатасида Корпоратив бошқарув илмий-таълим маркази “Бизнесни бошқариш” магистратура мутахассислигида таҳсил олаётган тингловчиларнинг “Бизнес ҳуқуқи” ўқув курсидан олган назарий билимларини амалиёт билан узвий боғлаш, тадбиркорлик субъектларини ҳимоя қилиш билан боғлиқ процессуал масалаларни ўргатиш ва уларда низоларни ҳал қилиш бўйича амалий кўникмаларни ҳосил қилиш мақсадида Палата ҳузуридаги Халқаро тижорат арбитраж (ҳакамлик) суди раиси Фозилжон Отахонов билан учрашув ташкил қилинди.

Учрашувда тингловчиларга Ўзбекистон Республикаси Савдо-саноат палатаси ҳузурида Халқаро тижорат арбитраж (ҳакамлик) суди (кейинги ўринларда матнда – ХТАС деб юритилади) ташкил қилиниши, амалий фаолияти  ва  унинг ҳуқуқий асослари, шу жумладан ХТАС низоми, Регламенти, Арбитраж йиғими ва харажатлари тўғрисида низомлари мазмун моҳияти тўғрисида ахборот берилди.

Шунингдек, Палата томонидан тайёрланиб, ваколатли органларга белгиланган тартибда киритирилган “Халқаро тижоравт арбитражи тўғрисида”ги қонун лойиҳасининг асосий жиҳатларига алоҳида эътибор қаратилди.

Тингловчиларни қизиқтирган  – халқаро тижорат  арбитраж суди фаолияти, қабул қилган қарорлари ва уларнинг ижросига оид бир қатор саволларга батафсил жавоблар берилди.

ЎзССП ахборот хизмати