“Ташаббус-2017” кўрик танлови ғолиблари аниқланди.

22-май “Туркистон” санъат саройида “Ташаббус-2017” кўрик танловининг республика босқичи ғолиблари тантанали тақдирлаш маросими бўлиб ўтди. Маросимда кўрик-танловнинг республика босқичида иштирок этган тадбиркор, фермер ва ҳунармандларга тегишли йўналишлар бўйича муҳтарам Президентимиз совринлари топширилди. Тантанали тақдимот маросимида Ўзбекистон Республикаси Вазирлар Маҳкамаси, вазирлик, идора ва ташкилотлар,шу билан бирга хорижий давлатлар элчихоналари ва ваколатхоналари, халқаро ташкилотлар вакиллари иштирок этишди.

Кўрик-танлов иштирокчиларига 12 та қўшимча, яъни “Энг яхши ёш тадбиркор”, “Энг яхши тадбиркор аёл”, “Энг яхши инновацион лойиҳа”, “Ёшларга энг кўп иш жойи яратган тадбиркор”,  “Менинг юртим – менинг ифтихорим”, “Энг яхши оилавий бизнес соҳиби”, “Озиқ-овқат саноатидаги энг яхши йил тадбиркори”, “Энг яхши экспортчи”, “Энг масъулиятли ижтимоий шерик”, “Йилнинг энг яхши маҳсулоти”, “Ўзининг савдо белгиларини йўналтириш ва янги бозорларни эгаллаганлик учун”, “Республика ички бозорларида талаб бўлган янги турдаги истеъмол маҳсулотларини ишлаб чиққанлик учун” номинациялари ҳамда 3 та асосий, яъни “Йилнинг энг яхши тадбиркори”, “Йилнинг энг яхши фермери”, “Йилнинг энг яхши ҳунарманди” йўналишлари бўйича ғолибларига махсус диплом ва қимматбаҳо совғалар топширилди.

Жумладан, “Энг яхши ёш тадбиркор” номинацияси бўйича Навоий вилоятидаги Ҳунарманд – Раҳматов Элёр Ихтиёр ўғли, “Энг яхши тадбиркор аёл” номинацияси бўйича Фарғона вилоятидаги “IXTIYOR SMIK” фермер хўжалиги раҳбари Ахмедова Мутабар Мирзарасуловна  “Энг яхши инновацион лойиҳа” номинацияси бўйича Тошкент шаҳридан тадбиркор - “KAMOLOT ISTIQLOL KO’MAKCHISI”  масъулияти чекланган жамияти раҳбари - Турсунов Шерзод Мухиддинович, “Ёшларга энг кўп иш жойи яратган тадбиркор” номинацияси бўйича Бухоро вилоятидаги тадбиркор - “BUKHARA BRILLIANT SILK” масъулияти чекланган жамияти шаклидаги қўшма корхонаси раҳбари Джураев Бахтиёр Эркинович, “Менинг юртим – менинг ифтихорим” номинацияси бўйича Сирдарё вилоятидаги тадбиркор - “GO’ZAL” хусусий корхонаси раҳбари Асатуллаева Сайёра Давроновна, “Энг яхши оилавий бизнес соҳиби” номинацияси бўйича Наманган вилоятидаги Ҳунарманд – Жамолов Обид Адбиазизович, “Энг яхши экспортчи” номинацияси бўйича Андижон вилоятидан тадбиркор - “KONTEKS-TASHKENT” масъулияти чекланган жамияти раҳбари Файзиев Валибой Ғаниевич, “Энг масъулиятли ижтимоий шерик” номинацияси бўйича Жиззах  вилоятидаги “O`TKIR POLVON” фермер хўжалиги раҳбари - Эрматова Диёра Субон қизи, “Йилнинг энг яхши маҳсулоти” номинацияи бўйича Сурхондарё вилоятидан  “SURXON TERMIZ CHINNI” масъулияти чекланган жамияти раҳбари - Неъматуллаев Рустам Хўшбоқович, “Озиқ-овқат саноатидаги энг яхши йил тадбиркори” номинацияси бўйича Тошкент вилоятидан “SHOSHTEPA SHAMS” фермер хўжалиги раҳбари - Сайрамов Тахир Талипович ғолиб деб топилди.

“Ўзининг савдо белгиларини йўналтириш ва янги бозорларни эгаллаганлик учун” номинацияси ғолиби деб – Қашқадарё вилоятидан тадбиркор - “EKO PARRANDA” масъулияти чекланган жамияти раҳбари - Умидов Мухиддин Умарович, “Республика ички бозорларида талаб бўлган янги турдаги истеъмол маҳсулотларини ишлаб чиққанлик учун” номинацияси ғолиби ҳам Қашқадарё вилоятидан “VIGET IMPEKS” фермер хўжалиги раҳбари - Тошев Усмон Умарович ғолибликни қўлга киритишди.

Шунингдек, асосий “Йилнинг энг яхши тадбиркори” йўналишлар бўйича 3-ўрин Наманган вилоятидаги “ELEMENT PAINT” масъулияти чекланган жамияти раҳбари Ахмаджанов Акбаржон Иномжон ўғли, “Йилнинг энг яхши фермери” йўналиши бўйича 3-ўрин Хоразм вилоятидаги “DOSTONBEK” фермер хўжалиги раҳбари Холмуротова Аманжон, “Йилнинг энг яхши ҳунарманди” йўналиши бўйича 3-ўрин Хоразм вилоятидаги ЯТТ-ҳунарманд Маткаримов Мадрим Саъдуллаевичга насиб этди.

“Йилнинг энг яхши тадбиркори” йўналиши бўйича 2-ўрин ғолиби этиб Қорақалпоғистон Республикасидаги “KARDAR-ISHLAB-CHIQARISH-MAXSULATLARI” масъулияти чекланган жамияти раҳбари Шымбергенов Мурат Адилбаевич топилган бўлса, “Йилнинг энг яхши фермери” йўналиши бўйича Самарқанд вилоятидаги “ISTIQLOL SHU`LASI” фермер хўжалиги раҳбари Одилов Баҳтиёр Ҳамдамович, “Йилнинг энг яхши ҳунарманди” йўналиши бўйича Самарқанд вилоятидаги ЯТТ-ҳунарманд Исматиллоев Холмахмат Исматиллоевичлар тақдирландилар.

“Йилнинг энг яхши тадбиркори” йўналиши бўйича Тошкент вилоятидаги “TORIMED PHARM ” масъулияти чекланган жамияти раҳбари Шукуров Аҳаджон Алишерович, “Йилнинг энг яхши фермери” йўналиши бўйича Андижон вилоятидаги “BAXT IMKON RIVOJ CHORVASI” фермер хўжалиги раҳбари Исмоилов Фахриддин Турсунович, “Йилнинг энг яхши ҳунарманди” йўналиши бўйича Бухоро вилоятидаги ЯТТ-ҳунарманд Арабов Аҳмад Остонович мутлоқ ғолиб деб топилди ҳамда муҳтарам Президентимиз совринлари билан тақдирланди.

“Ташаббус – 2017” кўрик-танлови ғолиб ва совриндорларини тақдирлаш маросими санъат усталари ва ёш ижрочиларнинг концерти билан якунланди.