Мўйноқ туманида бизнес форум бўлиб ўтди

Тадбиркорлар ва ишбилармонлар ҳаракати – Ўзбекистон Либерал-демократик партияси Қорақалпоғистон Республикаси Кенгаши ва Ўзбекистон савдо саноат палатаси Қорақалпоғистон Республикаси бошқармаси билан биргаликда 2017 йил 10 июль куни  Муйноқ тумани хокимлиги мажлислар залида «Кичик бизнес ва ҳусуий тадбиркорликни кенг ривожлантириш учун қулай ишбилармонлик муҳитини яратиш» мавзусида бизнес форум ташкил этилди. 

Ушбу қарор юртимизнинг енг чекка, Орол денгизи қуриши оқибатида экологик муаммолар марказида жойлашган регион аҳолисига катта этибор қаратилаётганлигининг ёрқин мисолидир.

Тадбирда Қорақалпоғистон Республикаси Вазирлар Кенгаши раиси биринчи ўринбосари М.Садыков, Қорақалпоғистон Республикаси Жуқорғи Кенгаши комитет бошлиғи С.Турманов, Қорақалпоғистон Республикаси Иқтисодиёт вазири ўринбосари А.Қайпбергенов, Мўйноқ тумани ҳокими С.Данияров, Ўзбекистон Савдо-саноат палатаси Қорақалпоғистон Республикаси бошқармаси бошлиғи Х.Қайпназаров, унинг ўринбосари Қ.Азербаевлар ва Республиканинг барча туманларидан 124 та тадбиркорлик субъектлари иштирок этишди.

Ўтказилган Бизнес форум давомида Мўйноқ туманида амалга оширилиши кўзда тутилаётган лойиҳалар, ПҚ-2803-сонли Қарор билан Мўйноқ туманидаги тадбиркорлик субъектларига берилаётган солиқ имтиёзлари, ПҚ-2803-сонли Қарор билан Мўйноқ туманидаги тадбиркорлик субъектларига тижорат банклари томонидан бериладиган имтиёзли кредитлар, Тадбиркорлик субъектларини қўллаб-қувватлашда Ўзбекистон Либерал Демократик партияси томонидан амалга оширилаётган ишлар тўғрисида, Тадбиркорлик субъектларини қўллаб-қувватлашда Ўзбекистон Савдо-саноат палатасининг ўрни мавзуларида чуқурлаштирилган маърузалар ўтилди.

Президент қарори билан туманнинг табий хом ашъё ва меҳнат потенциалидан тежамли фойдаланиш, комплексли ижтимоий-иқтисодий ривожланишини, аҳоли турмуш даражасининг ва сифатининг бундан да яхшиланишини таъминлаш, шунингдек, янги туристик маршрутлар очиш ва тегишли инфраструктурани ривожлантириш ҳисобидан чет эллик туристларнинг регионнинг тарихий-маданий мероси билан кенг танишиши учун зарур шароитлар яратилиши бўйича бир канча чора-тадбирлар белгиланган.

Шулардан, тайер трикотаж маҳсулотларини ишлаб чиқаришни кенгайтириш, текстил ва тикувчилик соҳасини ривожлантириш, сувни тежамли фойдаланадиган лойихаларни амалга ошириш билан бирга, замонавий электр қувватини кам талаб қилувчи томчилаб суғориш ускуналарини, сув насосларини, пластмасса қувирларини ишлаб чиқариш, электротехника ва фармацевтика маҳсулотларини ишлаб чиқаришни йўлга қўйиш, шунингдек, фармацевтика соҳасини ишончли хом ашъё базаси билан таъминлаш учун доривор ҳусусиятга эга ўсимликлар ўстиришни кенгайтириш, балиқчиликни ривожлантириш, балиқ махсулотларини қайта ишлаш ва таййёр маҳсулотларни ишлаб чиқариш, Орол денгизи муаммосига бутун дунё жамиятининг катта қизиқишини ҳисобга олиб, Мўйноқ туманини Ўзбекистонда туризм марказларининг бирига айлантириш каби муҳим ва устувор вазифалар белгилаб берилган.

Шу билан бирга, Мўйноқ туманининг географик жойлашиши, ижтимоий-иқтисодий ривожланиш даражаси, табий иқлим шароити, хом ашъё ва меҳнат ресурслари, аҳолининг иш ўрнига бўлган талабини ҳисобга олган ҳолда, 2017-2018 йилларда умумий баҳоси 52,3 миллиард сўмга, шунинг ичида 990минг АҚШ долларига тенг бўлган 72 лойиҳанинг амалга оширилиши натижасида 1343 янги иш ўринларини яратилиши назарда тутилган.

Бугинги кунда туманга 10 млрд.сўмдан ортиқ инвестиция киритилиб, 36 лойиҳани амалга ошириш натижасида 531 та янги иш ўринлари яратилиши кутилмоқда.

Ўтказилган бизнес форумда қатнашувчилар ушбу қарорда белгиланган вазифаларга бирма-бир тўхталиб, бор имкониятлар ва камчиликларга алоҳида аҳамият қаратишди.

Тадбир якунида иштирокчилар ўзларини қизиқтирган саволларрига жавоблар олишди.  

ЎзССП ахборот хизмати