“Ўзавтосаноат” АК автомобиллари учун бутловчи қисмларни маҳаллийлаштириш” ихтисослаштирилган кўргазма-ярмаркаси ўтказилади

2015 йилниг 27 октябридан 2 октябригача “Ўзэкспомарказ” миллий кўргазмалар мажмуида Халқаро саноат ярмаркаси ва кооперация биржасига ҳамоҳанг тарзда “Ўзавтосаноат” АК автомобиллари учун бутловчи қисмларни маҳаллийлаштириш” ихтисослаштирилган кўргазма-ярмаркаси ўтказилади.

Мазкур тадбирни ўтказишдан кўзланган асосий мақсад юртимиздаги тадбиркорларнинг ҳамда тадбирга катта қизиқиш билдирган бошқа соҳалардаги корхона ва компаниялар вакилларининг кенг доирасини автомобилсозлик тармоғидаги бутловчи қисмларни маҳаллийлаштириш жараёнига, шунингдек, тармоқлараро кооперация ва мустаҳкам ҳамкорликни ўрнатишга жалб қилишдан иборат.

Кўргазма экспозицияси иштирокчилар эътиборига автомобиллар учун мўлжалланган кенг турдаги бутловчи қисмларни намойиш этиши кўзда тутилган.

Мазкур конференцияда иштирок этиш «GM Uzbekistan» AJ, «SamAvto» MCHJ, «JV MAN Auto-Uzbekistan» MCHJ қўшма корхонаси, «General Motors Powertrain Uzbekistan» AJ ва автомобиллар ҳамда бутловчи қисмлар ишлаб чиқарувчи бошқа йирик компанияларнинг шартлари ва талабларини ўрганиш, уларнинг етказиб берувчиларига айланиш имкониятини беради.

Тадбир доирасида:

• автомобиль соҳасидаги етук корхоналар тақдимотларини ўтказиш;
• иштирокчи корхоналарнинг манфаатдор томон билан автомобиль бутловчи қисмларини маҳаллийлаштириш бўйича ҳамкорликни йўлга қўйиш масалаларига оид В2В учрашувларни ўтказиш.
• Тадбирдан кўзланган мақсад Ўзбекистоннинг тегишли ишбилармон давралари ва ишлаб чиқариш корхоналарини бутловчи қисмларни локализация қилиш чора-тадбирларининг амалга оширилишига жалб қилишдир.
• Кўргазма экспозицияси профессионал жамоатчиликка автомобиллар учун кенг қамровдаги бутловчи қисмлар ассортиментини тақдим этиши кутилмоқда.