“Expo-Russia Uzbekistan-2018” халқаро кўргазмасининг матбуот анжумани бўлиб ўтди.

Ўзбекистон ва Россия ўртасидаги савдо-иқтисоий ва инвестион ҳамкорлик интенсив тарзда ривожланиб ва мустаҳкамланиб бормоқда. Россия Федерасияси Ўзбекистоннинг ташқи савдо операциаларида олдинги ўринларни эгаллайди, Ўзбекистон маҳсулотларининг энг катта қисми Россия бозорига экспорт қилинмоқда. Ўзбекистонга доимий тарзда Россия ишбилармон доираларинг ташрифлари амалга оширилиб, улар иштирокида тур хил қўшма тадбирлар ўтказилмоқда ҳамда садво ва ишлаб чиқариш кооперацияси бўйича икки томонлама ҳамкорлик ўрнатилиб келимоқда.

Ўзбекистон ва Россия ўртасидаги товар айланмаси 2018 йилнинг январь-февраль ойларида 50,2 фоиз ўсиб, қарийб 600 миллион АҚШ долларини ташкил этди. Бу ҳақида “Expo-Russia Uzbekistan-2018” халқаро кўргазмасининг очилишига бағишлаб ўтказилган матбуот анжуманида маълум қилинди.

Ўз навбатида Россиянинг мамлакатимизга киритган инвестицияси ҳажми 8,5 миллиард доллардан ошиб кетди.

Россиянинг Ўзбекистондаги савдо вакили ўринбосари Леонид Покровскийнинг айтишича, солиқ, божхона ва валютага оид қонунчиликнинг либераллаштирилиши, шунингдек, минтақавий даражада савдо-иқтисодий ҳамкорликнинг оптималлаштирилиши  ўзаро савдо-сотиқнинг бундай шиддатли ривож олишида ижобий омилларга айланди.

Ўзбекистон Савдо-саноат палатаси раисининг биринчи ўринбосари Ислом Жасимов ўз нутқида "Ўзбекистон ва Россия ўртасидаги савдо-иқтисоий ва инвестион ҳамкорлик интенсив тарзда ривожланиб ва мустаҳкамланиб бормоқда. Бугунги кунда Ўзбекистон Республикасида Россия давлати капитали иштирокидаги 961 та корхона фаолият юритмоқда ва 64 таси аккредитациядан ўтган.Россия Федерациясида Ўзбекистон резидентлари иштирокида 569 та корхона фаолият юритмоқда. 25-27 апрел кунлари ўтказилиши режалаштирилаётган “Expo-Russia Uzbekistan-2018” халқаро кўргазмаси" хамкорликнинг давоми бўлиб, икки мамлакат ишбилармонлари учун имкониятдир" - дея таъкидлади.

Эслатиб ўтамиз, шу ҳафтада Тошкент мезбонлик қилаётган юқоридаги халқаро кўргазмада Ўзбекистон, Россия Федерацияси ва Марказий Осиё давлатларидан энергетика, машинасозлик, металлургия, қурилиш, транспорт, телекоммуникация ва алоқа, кимё саноати, агросаноат комплекси, халқ истеъмоли моллари каби тармоқларда фаолият юритадиган 200дан ортиқ компания иштирок этаяпти.  

ТКўргазма доирасида турли тармоқлар бўйича давра суҳбатлари, Россия ва Ўзбекистон вилоятларининг тақдимоти ва Б2Б учрашувлар бўлиб ўтади.

ЎзССП Ахборот хизмати