Исроилда ўтказиладиган семинарга таклиф этамиз

Исроилнинг тараққиёт сохасидаги халқаро ҳамкорлик агентлиги (MASHAV) Халқаро қишлоқ хўжалиги ўқув маркази (МАТС) билан биргаликда “Барқарор ва интенсив қишлоқ хўжалиги учун агроэкологик ёндашувлар” мавзусида халқаро семинар ташкил этаётганини маълум қиламиз.

Семинар 2018 йилнинг 21 октябрь - 9 ноябрь кунлари Исроилнинг Шфаим шаҳрида инглиз тилида ташкил этилади.

Ўқув дастури интенсив қишлоқ хўжалигининг атроф муҳитга салбий таъсирини камайтириш ва интенсив, аммо барқарор қишлоқ хўжалигини ривожлантириш бўйича Исроилнинг тажрибасини, бу борада олиб борилаётган сиёсатни ва амалиётни семинар иштирокчилари билан бўлишишга қаратилган.

Семинар ташкилотчилари томонидан ўқиш билан боғлиқ харажатлар, дастур юзасидан ташрифлар, ётоқхона, тиббий суғурта, аэропортда кутиб олиш ва аэропортга олиб бориб қўйиш харажатлари молиялаштирилади. Халқаро парвозлар ва кунлик овқатланиш харажатлари иштирокчи маблағлари ҳисобига қопланиши кўзда тутилган.

Қатнашиш истагини билдирган тадбиркорлар хужжатларни 2018 йил 10 августга қадар тақдим этишлари лозим.

- Анкета;

- Паспорт нусхаси;

- Диплом нусхаси;

- ОВИР нусхаси (агар бор бўлса);

- 2та тавсиянома.

Қўшимча савол юзасидан Тадбиркорлик асосларига ўқитишни ташкил этиш бошқармаси етакчи мутахассиси Гулноза Шерматовага (Тел.: +998 71 150-60-06; Э-манзил: g.shermatova@chamber.uz) мурожаат этишингиз мумкинлигини билдирамиз.

ЎзССП Матбуот хизмати