“Ўзэкспомарказ” Миллий кўргазмалар мажмуасида “Ўзбекистон матбуоти” V Миллий кўргазмаси ўтказилади

Ўзбекистон Республикаси Президентининг 2011 йил 14 январдаги “Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш Концепциясини ахборот соҳасини ислоҳ қилиш, ахборот ва сўз эркинлигини таъминлаш бўйича амалга ошириш чоралари тўғрисида” Ф-3560-сон Фармойиши билан тасдиқланган Дастурнинг 9.2-бандида белгиланган тадбир ижросини таъминлаш мақсадида жорий йилнинг 19-20 ноябрь кунлари “Ўзэкспомарказ” Миллий кўргазмалар мажмуасида “Ўзбекистон матбуоти” V Миллий кўргазмаси ўтказилиши режалаштирилган.

Мазкур нуфузли кўргазма Ўзбекистон Республикаси Олий Мажлиси Қонунчилик палатаси ва Ўзбекистон Республикаси Вазирлар Маҳкамасининг бевосита кўмагида ўтказилмокда.

Кўргазмадан кўзланган асосий мақсад - ахборот соҳасини либераллаштириш борасида амалга оширилаётган чора-тадбирларнинг мазмун-моҳиятини кенг жамоатчиликка, жумладан, ёшлар аудиториясига якиндан етказишдир.