"Ҳар бир оила тадбиркор" дастури доирасида Андижон вилоятида учрашувлар бўлиб ўтди

Маълумки, 7 июн куни Ўзбекистон Республикаси Президенти Ш.Мирзиёев “Ҳар бир оила – тадбиркор” дастурини амалга ошириш тўғрисидаги Қарорни имзолади.

Мамлакатни ижтимоий-иқтисодий ривожлантириш, фаол тадбиркорлик, инновацион ғоялар ва бунёдкорлик салоҳиятини қўллаб-қувватлаш орқали аҳолига муносиб ҳаёт шароитларини яратиш, ишбилармонлик муҳитини яхшилаш, бандликни таъминлаш бўйича кенг кўламли ишлар амалга оширилиб келинмоқда.

Олиб борилган таҳлил натижалари жойларда аҳолини тадбиркорликка жалб қилиш ва бу орқали янги иш ўринларини яратиш, бандликни таъминлаш, ўз меҳнати билан даромад топиш истагида бўлган фуқароларга амалий ёрдам кўрсатиш, меҳнат ресурсларидан оқилона фойдаланиш ишлари талаб даражасида эмаслигини кўрсатмоқда.

Карорга асосан, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимларининг биринчи ўринбосарлари раҳбарлигида “Ҳар бир оила – тадбиркор” дастури доирасида амалга оширилаётган ишларни мувофиқлаштириш бўйича ташкилий ишчи гуруҳлар ташкил этилди.

Унга мувофиқ 1-Республика Ишчи гурухи раҳбари этиб Ўзбекистон Савдо-саноат палатаси раиси ўринбосари У.Бутаев тайинланган.

Бугунги кунда ҳар бир оиланинг тадбиркорлик билан шуғулланиши ва барқарор даромад манбаига эга бўлиши учун шарт-шароитлар яратиш мақсадида Андижон вилояти, Балиқчи туманида Республика ишчи гуруҳи томонидан ижтимоий-иқтисодий комплекс ривожлантириш юзасидан Президентимиз Ш.Мирзиёевнинг Андижон вилоятига жорий йилнинг 19-20 май кунлари ташрифи давомида илгари сурган “Хар бир оила тадбиркор” концепциясини амалга ошириш борасида кенг қамровли ишлар амалга оширилмоқда.

Республика Ишчи гурухи томонидан мавжуд маҳаллалардаги хонадонларга ташриф буюриб хонадон эгалари билан самимий мулоқотлар олиб бормоқдалар.  

Олиб борилаётган мулоқотлар давомида аҳолини томорқадан унумли фойдаланиш, тадбиркорликка жалб қилиш бўйича, мавжуд муаммоларни жойида ҳал этишга эришилмоқда.

Бу борада ҳар куни туман хокимлиги мажлислар залида тадбиркорлар, хунармандлар иштирокида йиғилиш ўтказилиб, муаммолар ўз ечимини топмоқда.

ЎзССП Матбуот хизмати