“Бир дарча” марказлари ходимлари учун ўқув-амалий семинарлар ўтказилди

Ўзбекистон Республикаси Президентининг 2015 йил 28 сентябрдаги ПК-2412-сон Қарорининг 7-бандида Ўзбекистон Савдо-саноат Палатасига белгилаб берилган вазифалар ижросини таъминлаш ҳамда «Бир дарча» марказлари ходимларига давлат хизматларини кўрсатишда тегишли дастурий таьминот орқали ва идоралараро электрон ўзаро алоқа тизимн билан ишлашда янги тартибларни батафсил тушунтириш мақсадида жорий йилнинг 8 декабрь куни Наманган туманида Наманган шаҳар, Тўрақўрғон, Мингбулоқ, Чуст, Поп туманлари ҳамда 9 декабрь куни Янгиқўрғон туман ида Чортоқ, Косонсой, Уйчи,  Норин, Учқўрғон туманларининг “Бир дарча” марказлари ходимлари учун ўқув-амалий семинарлар ўтказилди.

Ўқув-амалий семинар иштирокчиларига давлат хизматларини кўрсатишда

тегишли дастурий таъминот орқали ва идоралараро электрон ўзаро алоқа тизими билан ишлашнинг янги тартиблари тўғрисида батафсил тушунтириш берилди.

Шунингдек, “Ягона дарча” маркази орқали намуна тарзида тадбиркорлик субъектидан рухсат бериш тартибидаги хужжатларни қабул қилиш, уни тегишли хизмат кўрсатувчи давлат органига юбориш ва ижросини қабул қилиш ҳамда тадбиркорлик субъектига маълум қилишни амалда қўллаш бўйича тадбиркорлик субъектининг туман электр тармоқлари корхонасига мурожаати юзасидан амалий машғулот ўтказилди.

Мазкур семинарда Ўзбекистон Савдо-саноат Палатаси вилоят ҳудудий бошқармаси, вилоят Адлия бошқармаси, Иқтисодиёт бош бошқармаси,

вилоят Компьютерлаштириш маркази, давлат хизматларини кўрсатувчи ташкилотларнинг масъул ходимлари, оммавий ахборот воситалари вакиллари, шаҳар ва туманлар Ахборот маълумот марказлари, Бизнес марказлари ходимларидан иборат жами 71 нафар иштирокчилар катнашди.