“Ташаббус-2019” кўрик-танловининг Самарқанд вилояти босқичи бўлиб ўтди.

Самарқанд вилоятида кичик бизнесни ва хусусий тадбиркорликни жадал ривожлантириш, қулай ишбилармонлик муҳитини яратиш, ушбу соҳа вакилларининг қонуний манфаатлари ва хуқуқларининг ишончли кафолатини таъминлаш ҳамда тадбиркорликни қўллаб-қувватлаш борасида олиб борилаётган ишлар натижасида бу соҳада бир қатор ютуқларга эришиб келинмоқда.

Жорий йилнинг 14 апрель куни Ўзбекистон Республикаси Вазирлар Маҳкамасининг «Ўзбекистон Республикаси Президенти соврини учун тадбиркорлар,  фермерлар ва ҳунармандлар ўртасида ўтказиладиган  «Ташаббус-2019» кўрик-танловини юқори савияда ташкил этиш тўғрисида»ги 278-Ф-сонли фармойишини вилоятда ижросини таъминлаш бўйича вилоят ҳокимининг 2019 йил 20 апрелдаги 67-Ф-сонли фармойиши қабул қилинди.

Унга асосан кўрик-танловнинг шаҳар ва туманлар босқичлари 29 апрелдан -15 майгача ўтказилди. Уларда 1200 дан ортиқ тадбиркор, фермер ва хунармандлар иштирок этдилар.

Бугун 8 июнь куни Самарқанд шаҳридаги «Алишер Навоий» истирохат боғида (асосий кўргазмалар) ҳамда “Ёшлар маркази” биносида (очилиш ва тақдирлаш маросими) Ўзбекистон Республикаси Президенти соврини учун “Ташаббус-2019” кўрик танловининг Самарқанд вилоят босқичи бўлиб ўтди

Кўрик-танловда шаҳар ва туман босқичларида ғолибликни қўлга киритган 78 нафар иштирокчилар, шундан 48 нафар тадбиркор, 14 нафар фермер ва 16 нафар хунармандлар қатнашди.

Кўрик-танловни вилоят ҳокимининг биринчи ўринбосари Ураков Жамшид Ражабович кириш сўзи билан очиб берди.

Шунга кўра, асосий номинациялар бўйича

1. Саноат соҳасида – “Йилнинг энг яхши тадбиркори” номинацияси буйича I ўринни Пастдарғом туманида фаолият кўрсатаётган “MAROQAND LED INVEST” МЧЖ;
2. Хизмат кўрсатиш соҳасида – “Йилнинг энг яхши тадбиркори” номинацияси буйича I ўринни Булунғур туманида фаолият кўрсатаётган “FARAVON METAN SAVDO” МЧЖ;
3. “Йилнинг энг яхши ёш тадбиркори” номинацияси буйича I ўринни Самарқанд шаҳрида фаолият юритаётган “OMONOV MEBEL” ОК;
4. “Йилнинг энг яхши фермери” йўналишида эса, Оқдарё туманидан “PICHOQCHI DRY FRUITS” ФХ;
5. “Йилнинг энг яхши ҳунарманди” йўналишида I ўринни Самарқанд шаҳридан ЯТТ “RAHMONOV SAVLAT ABDURASULOV” эгаллаб кўрик-танловнинг республика босқичига йўлланмани қўлга киритишди.

Ўз ССП Ахборот хизмати