Тошкент шаҳар, Мирзо Улуғбек туманида тадбиркорлик субъектлари билан учрашув ўтказилди

Тошкент шаҳар Мирзо Улуғбек туманида хусусий тадбиркорлик ва кичик бизнесни ривожлантириш бўйича муаммоларни аниқлаш ва уларни бартараф этиш масалалари юзасидан республика Ишчи гуруҳ томонидан фаолиятни тўхтатган тадбиркорлик субъектлари билан учрашув ўтказилди.

Учрашувда Ўзбекистон Савдо-саноат палатаси ва Ўзбекистон Республикаси Бандлик ва меҳнат муносабатлари вазирлиги вакиллари иштирок этди ва ҳар бир фаолиятини тўхтатган тадбиркорлик суъектлари билан суҳбатлашилиб, фаолият юритмаётганлик сабаблари ўрганилди.

Ўзбекистон Савдо-саноат палатаси раисининг ўринбосари Ў.Бутаев томонидан бугунги кунда М.Улуғбек туманида вақтинча фаолиятини тўхтатган тадбиркорлик субъектларига қисқа муддатда фаолиятини тиклаш бўйича кўрсатма ва тушунтиришлар олиб борилди. Ер, банк кредити ва бошқа мавжуд муаммоларни жойида ҳал этиш мақсадида тегишли мутасадди вазирлик ва идоралар раҳбарлари билан ҳамкорликда иш олиб бориб, тадбиркорни фаолиятини тиклашга амалий ёрдам қилишга келишиб олинди.

Бугунги кунда ҳукуматимиз томонидан тадбиркорликни ривожлантириш юзасидан тадбиркорликка оид қонун ҳужжатларда хусусий тадбиркорлик ва кичик бизнесни ривожлантириш мақсадида берилаётган имтиёз ва преференциялар тўғрисида ҳам тушунтириб ўтилди.

Бундан, ташқари тадбиркорларга тегишли бўлган бино-иншоат бузилишга тушган тақдирда унга бошқа манзилдан ер ажратиш ёки компенсация пули тўлаб берилиш тартиби ва ушбу юзасидан қабул қилинган Президент Қарори мазмун-моҳияти ҳам тушунтирилди.

Туман мутасаддилари билан фаолият кўрсатмаётган тадбиркорлик субъектлари фаолиятини тиклаш, янги иш ўринлари яратиш ва ишсизликни камайтириш бўйича зарур чора-тадбирларни амалга ошириш кетма-кетлиги келишиб олинди.

Ўз ССП Ахборот хизмати