Ўзбекистон ва Татаристон ишбилармонлари ўртасида бўладиган “B2B” форматидаги бизнес мулоқотга таклиф этамиз

Ўзбекистон ва Татаристон ўртасида ўзаро савдо-иқтисодий алоқаларни ривожлантириш мақсадида 2019 йилнинг 17-19 сентябрь кунлари Татаристон ҳукумати вакиллари ҳамда Татаристоннинг етакчи компаниялари вакиллари Ўзбекистонга ташриф буюрмоқда.

Ташриф доирасида 2019 йил 18 сентябрь куни Тошкент шаҳридаги «Халкаро хамкорлик маркази»да икки давлат ишбилармонлари ўртасида “B2B” форматида бизнес мулоқот ўтказилиши режалаштирилган.

Мазкур учрашувда машинасозлик, нефт-газ ва нефт-газ саноати учун ускуналар ишлаб чиқарувчилар, машинасозлик, кимё саноати, информация-технолгия, савдо-сотиқ, электротехника, қишлоқ хўжалиги, озиқ-овқат, чўян ва пўлат ишлаб чиқарувчи, 40 дан ортиқ Татаристоннинг етакчи компаниялари иштирок этади ( компаниялар рўйхати)

Мазкур тадбирда иштирок этиш истагида бўлган маҳаллий тадбиркорлик субъектлари ўзлари тўғрисидаги маълумотларни (корхона номи, ишлаб чиқариладиган маҳсулот номи, иштирокчининг исм-шарифи, лавозими, телефон рақами) ҳамда маҳсулот тижорат таклифини 2019 йил 17 сентябрга соат 24-00 қадар Палатанинг Экспортга кўмаклашиш бошқармаси s.azamov@chamber.uz электрон манзилига тақдим этишингиз сўралади.