БМТнинг гиёхвандлик воситалари ва жиноятчиликка қарши курашиш бўйича бошқармаси ҳамда Европа тикланиш ва тараққиёт банки экспертларидан ташкил топган делегация аъзолари билан учрашув бўлиб ўтди

2019 йил 18 сентябр куни Ўзбекистон Республикаси Савдо-саноат палатасида БМТнинг гиёхвандлик воситалари ва жиноятчиликка қарши курашиш бўйича бошқармаси (УНП ООН) ҳамда Европа тикланиш ва тараққиёт банки (ЕБРР) экспертларидан ташкил топган делегация аъзолари билан учрашув бўлиб ўтди. (Маълумот учун: Мазкур ташкилотлар Марказий Осиёда коррупцияга қарши курашиш соҳасида фуқаролик жамияти потенциалини ва хусусий секторни  мустаҳкамлаш борасида техник хамкорлик лойихасини ишлаб чиқиш имкониятларини ўрганиш ишлари билан шуғулланади)

Палата раисининг биринчи ўринбосари Ислом Жасимов ўз кириш сўзида меҳмонларни Ўзбекистонга қилган ташрифлари билан қутлаб, ЎзССПга  ташриф буюришгани учун миннатдорчилик билдирди. 

Шунингдек, Ўзбекистон Республикаси Президенти Ш.М.Мирзиёев лавозимига сайланганидан сўнг биринчилар қаторида “Коррупцияга қарши курашиш тўғрисида”ги Қонунга имзо чекканлиги, бундан ташқари, 2017 йил июнь ойидан бошлаб Палата тадбиркор субъектларининг ҳуқуқий кафолатларини кучайтириш, хорижий инвестицияларни жалб этиш, давлат органлари олдида тадбиркорлар манфаатларини эътироф этиш борасида ўз фаолиятини янги форматда олиб бораётганлиги таъкидлаб, Ўзбекистон Республикаси Президентининг 17.01.2019 йилдаги “ПФ-5635-сон Фармони билан тасдиқланган 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Харакатлар стратегиясини “Фаол инвестициялар ва ижтимоий ривожланиш йили”да амалга оширишга оид Давлат дастурининг 4-бандига мувофиқ, коррупцияга қарши курашиш ва унинг олдини олиш бўйича амалга оширилган ишлар тўғрисида маълумот берди.   

Учрашув давомида Мирелла Думмар Фрахи – УНП ООНнинг фуқаролик жамияти гуруҳи раҳбари, ўз нутқида Ўзбекистонда фуқаролик жамияти ва хусусий сектор тобора ривожланаётганлигини эътироф этиб, БМТнинг Коррупцияга қарши курашиш Конвенцияси доирасида кейинчалик ҳам ҳар томонлама ҳамкорликка тайёр эканлигини билдирди.

Луиза Балби – Европа  тикланиш ва тараққиёт банки бош менежери, ҳозирги вақтда фуқаролик жамияти билан хамкорлик қилиш гуруҳи раҳбари, ЕБРРнинг устувор вазифаси коррупцияга қарши курашни фаол олиб бориш йўли орқали хусусий сектор ҳимоясини таъминлаш, давлат органлари билан ҳамкорликда бизнес учун қулай шароит яратиш хусусида сўз юритиб, Европанинг иқтисодий ривожланган 20 та давлатларда бизнес ҳамжамияти манфаатларини эътироф этиш ва химоя қилиш борасида нодавлат нотижорат ташкилотлари давлат органларидан устун туришлиги тўғрисида атрофлича маълумот берди.

Поликарски Константин Митчев – УНП ООН коррупция ва иқтисодий жиноятларга қарши курашиш бўйича бўлинмаси эксперти, ҳозирги вақтда УНП ООНнинг Ўзбекистондаги вакили сифатида фаолият кўрсатаётганлиги, мамлакатнинг барча жабҳаларида айниқса сўнгги 2 йил мобайнида иқтисодий жиноятчилик ва коррупцияга қарши кураш фаоллашгани ва сезиларли самара бераётгани, ушбу эса ўз навбатида бизнес юқори суръатларда ривожланиши учун асосий омиллардан бўлиб хизмат қилаётгани хусусида ўз фикр-мулохазаларини билдирди.