ССПда Нижний Новгород вилоятининг ишбилармон доиралари вакиллари билан давра суҳбати ва «В2В» музокаралари бўлиб ўтди.

Бугун, 2019 йил 9 декабр куни Нижний Новгород вилояти ишбилармон доиралари ва Ўзбекистон тадбиркорлари иштирокида давра суҳбати ва  "B2B" форматидаги музокаралар бўлиб ўтди.

Учрашувда Ўзбекистон Республикаси Савдо-саноат палатаси вакили Ғ.Усмонов, "Нижний Новгород вилоятининг экспорт салоҳиятини ривожлантириш маркази" давлат автоном институти директори С. Звонков, АНО "Халқаро ҳамкорликни ривожлантириш агентлиги" директорининг ўринбосари О.Акимова, касаба уюшма департаменти директорининг ўринбосари Нижний Новгород вилоятининг саноат палатаси" Е. Никифорова, шунингдек, Ўзбекистон ва Нижний Новгород компанияларининг вакиллари иштирок этишди.

Делегация таркибига, Нижний Новгород вилоятининг "Мадин" (тиббий асбоб-ускуналар ишлаб чиқариш ва сотиш), "Кетон" (саноат учун ишлатиладиган материаллар ишлаб чиқариш), "Репер-НН" (тиббий асбоб-ускуналар ишлаб чиқариш), "Аиболит 2000" (тиббий асбоб-ускуналар ишлаб чиқариш) ва "Айкон Лаб ГмбҲ" (биотехнология ва тиббиёт соҳасидаги илмий-тадқиқот ишлари) етакчи компаниялари кирди.

Учрашув чоғида Ўзбекистон ССП вакили Ғофур Усмонов икки мамлакат ўртасидаги муносабатларни ривожлантиришдаги ижобий динамикани қайд этганини ва уларни сифат жиҳатидан янги даражага кўтариш учун биргаликдаги саъй-ҳаракатларни фаоллаштириш зарурлигини таъкидлаб ўтди.

Шу ўринда, Сергей Звонков Нижний Новгород вилояти иқтисодий ва геосиёсий ривожланиш ҳудуди ҳисобланишини, шунингдек, Нижний Новгород вилоятининг автомобилсозлик, муҳандислик, металлургия, кимё, нефт кимёси, мудофаа ва ядро саноатидаги энг йирик саноат потентсиалилигини тарифлаб ўтди.

Учрашув якунида томонлар Россия ва Ўзбекистон тадбиркорлари ўртасида икки томонлама бизнес ҳамкорлигини янада ривожлантириш имкониятлари тўғрисида келишиб олдилар.

Икки мамлакат ишбилармон доиралари ўртасида бўлиб ўтган "B2B" форматидаги учрашувларида Ўзбекистон-Россия савдо-иқтисодий ҳамкорлигини янада ривожлантириш истиқболлари муҳокама қилинди, шу жумладан қўшма бизнес лойиҳаларини амалга ошириш, қўшма корхоналарни кўпайтириш, савдо-иқтисодий ва минтақавий ҳамкорликни ривожлантириш масалалари бўйича фикр алмашилди. 

ССП Ахборот хизмати