Нукус шаҳрида коллеж битирувчи қизлар учун бизнес режа тузиш бўйича семинар бўлиб ўтди

«Соғлом она ва бола йили» давлат дастурининг VII бўлими, 52-бантида белгиланган вазифаларни амалга ошириш мақсадида Ўзбекистон Республикаси Бош вазирининг ўринбосари, Хотин қизлар қўмитаси раиси Э.Баситханова томонидан «Тадбиркор қизнинг энг яхши лойиҳаси-2016-йил» танловини ўтказиш бўйича 2016 йил 22 февральда баённома тасдиқланган.

Ушбу баённома асосида Ўзбекистон Хотин-қизлар қумитаси, Ўзбекистон Савдо-саноат палатаси, «Тадбиркор аёл» Ўзбекистон ишбилармон аёллар ассоциацияси, Ўзбекистон Республикаси Марказий банки Ўзбекистон Касаба уюшмалари Федерацияси Кенгаши, Ўрта махсус, касб-хунар таълими марказининг «Тадбиркор қизнинг энг яхши лойиҳаси-2016-йил» танловини ўтказиш тўғрисида қўшма қарори қабул қилинган.

Қўшма қарор асосида жойлардага касб-хунар коллежлари битирувчи босқич қизларга тадбиркорлик фаолияти тўғрисида, шунингдек, бизнес режа ҳақида атрофлича тушунчалар бериш бўйича Ўзбекистон Савдо-саноат палатасининг, Марказий банк, “Тадбиркор аёл” уюшмасининг ҳудудий бошқармалари томонидан ўқув-машғуллотлар ўтказиш белгиланган. Ушбу вазифаларни бажариш мақсадида танловнинг шаҳар, туман босқичлари ўтказилиши олдидан 2016 йил 10-12 май кунлари Ўзбекистон Савдо-саноат палатасининг Қорақалпоғистон Республикаси бошқармаси Қорақалпоғистон Республикаси Ўрта махсус, касб-хунар таълими бошқармаси билан ҳамкорликда Қорақалпоғистон Республикасининг барча туманларидаги касб-хунар коллежларида ўқув-семинарлар ўтказилди.

2016 йил 13 май куни Нукус шаҳридаги 20 та коллежда таҳсил олаётган битирувчи курс қизлари учун Ўзбекистон Савдо-саноат палатасининг Қорақалпоғистон Республикаси бошқармаси, Қорақалпоғистон Республикаси Ўрта махсус, касб-хунар таълими бошқармаси билан ҳамкорликда ва Ўзбекистон Республикаси Марказий банк Қорақалпоғистон Республикаси бош бошқармаси мутахассислари, «Тадбиркор аёл» уюшмаси Қорақалпоғистон Республикаси бошқармаси мутахассислари иштирокида Нукус шаҳри Тошкент Педиатрия медицина институти Нукус филиали қошидаги Нукус тиббиёт академик лицей мажлислар залида ўқув-семинар бўлиб ўтди.

Бу тадбирни ўтказишдан кўзланган асосий мақсад жорий йилда «Тадбиркор қизнинг энг яхши лойиҳаси-2016-йил» танлови олдидан танловда иштирок этиш истагини билдирган,  касб-хунар коллежларида битирувчи курс босқичида таҳсил олаётган қизларга бизнес режа тузиш ҳақида атрофлича маълумотлар бериб ва мавжуд бизнес режаларни мукаммаллаштириб, бу борадаги билимларини орттириш, бундан ташқари, танлов ҳақида, жорий йилда тижорат банклари томонидан касб-хунар коллежлари битирувчиларига ажратиладиган кредит миқдорлари ва фоиз ставкалари, коллеж битирувчилари учун давлатимиз томонидан яратилаётган имкониятлари тўғрисида тўлиқ маълумот беришдан иборат.

Ўқув-семинарда Ўзбекистон Савдо-саноат палатасининг Қорақалпоғистон Республикаси бошқармасидан бўлим бошлиғи Қ.Азербаев, мутахассиси Л.Қаллиханова, Ўзбекистон Савдо-саноат палатасининг Қорақалпоғистон Республикаси бошқармаси қошидаги Маълумот-маслаҳат маркази директори З.Жуманиязова, Ўзбекистон Республикаси Марказий банк Қорақалпоғистон Республикаси бош бошқармаси бўлим бошлиғи А.Бухаева, «Қишлоқ қрилиш банк», «Микрокредит баннк», «Агро банк» тижорат банкларининг мутахассислари, «Тадбиркор аёл» уюшмаси Қорақалпоғистон Республикаси бошқармаси бошлиғи Н. Елибаева, 20 та касб-хунар коллежларидан жами 100 га яқин қизлар, коллеж ўқитиувчилари ва оммавий ахборот воситалари вакиллари иштирок этди.

Тадбир давомида иштирокчиларга «Тадбиркор қизнинг энг яхши лойиҳаси -2016 йил» танлови, уни танловни ўтказиш низоми, муддатлари ва шартлари ҳақида, бизнес режа тузиш шартлари ва қойидалари, эътибор қаратиш зарур бўлган жиҳатлари тўғрисида, шунингдек жорий йилда давлатимиз томонидан касб-хунар коллежлари битирувчилари учун тижорат банклари томонидан ажратиладиган кредит миқдорлари ва фоиз ставкалари тўғрисида атрофлича маълумотлар берилди.

Бундан ташқари, коллеж битирувчилари коллеж битиргач бир йил мобайнида тадбиркор сифатида давлат рўйҳатидан ўтса олти ой муддатгача қатьий белгиланган давлат солиғини тўлашдан озот бўлиши, лекин ўн икки ой муддатгача фаолиятини тўхтатадиган бўлса йил бошидан бошлаб қатьй белгиланган солиқ ўндириб олиниши, шунингдек, ўзлари сингари коллеж битирувчиларини ишга олса, уша коллеж битирувчисининг коллеж битирганига 12 ой тўлгунига қадар ёлланма хизматчи учун тўланадиган солиқдан озот этилиши ҳақида, танловни ўтказишдан кўзланган мақсад – Ўзбекистон Республикаси иқтисодиётини ривожлантиришда муҳим ўрин тутадиган тадбиркорликни ривожлантириш, қизларни тадбиркорлик фаолиятига кенг жалб этиш ва иқтисодиётнинг ишлаб чиқариш, хизмат кўрсатиш ва сервис соҳасидаги ютуқларни кенг оммага тарғиб қилиш ва рағбатлантиришдан иборат эканлиги ҳақида маълумотлар берилди.

Тадбир савол-жавоб ва мулоҳазаларга бой тарзда ўтиб, коллеж битирувчилари ўзларини қизиқтирган саволларига мутахассислардан жавоблар олишди.

Қорақалпоғистон Теле ва Радиоканалининг «Хабар» информацион дастурлари орқали ўзбек, қорақалпоқ ва рус тиллари орқали ёритилиш арафасида. «Еркин Қарақалпақстан», «Вести Каракалпакстана» ва «Қорақалпоқ тонги» газеталарида мақолалар чоп этилиш арафасида.