Туркий тилли давлатлари Савдо-саноат палатаси кенгаш аъзоларининг видеоконференция шаклида ўтказилган навбатдаги йиғилиши бўлиб ўтди

7 апрел куни Туркий тилли давлатлари Савдо-саноат палатаси кенгаш аъзоларининг коронавирус пандемияси даврида бизнес дуч келаётган муамолларга қарши курашишга бағишланган ва видеоконференция шаклида ўтказилган навбатдаги йиғилиши бўлиб ўтди.

Туркий тилли Савдо-саноат палатаси 2019 йил июл ойида Туркий тилли мамлакатларнинг ишбилармон кенгаши асосида ташкил этилган, ва унга Озарбайжон, Қозоғистон, Қирғизистон, Ўзбекистон аъзо бўлганлар, Венгрия бу ташкилотнинг кузатавчиси сифатида қатнашиб келмоқда.

Туркий тилли Савдо-саноат палатаси раиси (ТССП), Туркия савдо-саноат палатаси ва савдо биржалари уюшмаси президенти – Рифат Хисарчиклиоглу,

Туркий тилли давлатлари Ҳамкорлик Кенгашининг бош котиби – Багдад Амреев (ТДҲК),

Ўзбекистон Савдо-санот палатасининг раиси – Адхам Икромов,

Озарбайжон Ишбилармонлар конфедерацияси раиси – Мамед Мусаев,

“Атамекен” Қозоғистоннинг тадбиркорлар миллий палатаси бошқарув раиси – Аблай Мирзахметов,

Қирғизистон Савдо-санот палатасининг раиси ўринбосари – Рима Апасова,

Венгрия Савдо-саноат палатаси раиси ўринбосари – Андраш Ревлар қатнашдилар.

Видеоконференция давомида иштирокчилар аъзо-давлатларда пандемияга қарши курашишга қаратилган чора-тадбирлар билан боғлиқ масалаларни мухокама қилдилар, кичик ва хусусий бизнес секторида коронавирус таъсирини юмшатиш учун зарур бўлган қушимча тадбирлар тўғрисида фикр алмашдилар.

Хусусан,

ТДҲК бош котиби Б.Амреев ҳар бир давлатнинг Туркий тилли давлатлари Ҳамкорлик кенгашида кўриб чиқиш учун томонлар таклифларини умумлашитириб қўшма “Иш режаси”ни тузиб котибиятга тақдимлаш зарурлигини таъкидлади.

Р.Хисарчиклиоглу коронавирус инфекцияси бутун дунё аҳолисини хавф остига қўйишини ва уни барча мамлакатларнинг биргаликдаги саъй – харакатлари билан енгиш мумкинлигини таъкидлади.

Туркий тилли Сабдо-саноат палатаси раиси ушбу ташкилот аъзо мамлакатларининг транспорт тарифларини қайта кўриб чиқиш, хусусан, Каспий денгизи минтақасидаги транспорт қийматини камайтириш имкониятини кўриб чиқишни таклиф қилди.

Ўз навбатида Ўзбекистон Савдо-санот палатасининг раиси Адхам Икромов республикада Ўзбекистон Республикаси Президентининг 2020 йилнинг 19 март ҳамда 3 апрел куни  қабул қилинган Фармонларида белгиланган пандемия даврида бизнесни қуллаб-қуватлаш бўйича кўрилаётган чора-тадбирлар, жумладан, коронавирусни иқтисодиётга ва аҳолининг турмуш тарзига салбий таъсирини юмшатиш бўйича имтиёзлар, преференциялар ва бошқа муҳим тадбирлар тўғрисида батафсил маълумот берди.

Тадбир якунида Ўзбекистон ССП раиси А.Икромов томонидан қуйидаги таклифлар иштирокчилар диққатига етказилди:

- хусусий сектор вакилларини керакли маълумотлар билан таъминлаш, иштирокчи мамлакталар ҳудудларида тўсиқларга дуч келган тадбиркорларнинг мурожаатларини қабул қилиш ва уларнинг тезкор ечимларини топиш учун ягона интернет платформасини яратиш;

- тадбиркорлар билан тўғридан-тўғри алоқани ўрнатиш механизмини ишлаб чиқиш ва нафақат йирик корхоналар, балки кичик ва ўрта бизнес муаммоларига эътибр қаратиш;

Шунингдек, Озарбайжон, Қозоғистон, Қирғизистон ва Венгрия миллий бўлинмаларнинг раислари ўз таклифларини иштирокчилар эътиборларига етказдилар.

Йиғилиш якунида Туркий тилли Савдо-саноат палатаси раиси ва Туркий тилли давлатлари Ҳамкорлик Кенгашининг бош котиби, томонларнинг таклифларини умумлаштириш ва коронавируснинг бизнесга салбий таъсирини олдини олиш учун “Йўл харитаси” лойиҳасини тайёрлаш ва келгусида аъзо давлатларга ташкилотнинг тафсиялари сифатида тақдим этиш тўғрисида қарор қабул қилдилар.

ЎзССП ахборот хизмати