Доривор ва зиравор ўсимлик етиштирувчиларни қўллаб-қувватлаш ишлари бўйича

Мамлакатимизда доривор ва зиравор ўсимлик етиштирувчиларни қўллаб-қувватлашда кенг кўламли ишар амалга оширилмоқда. Хусусан, Президентимизнинг бир қатор фармон ва қарорларида бу йўналишдаги мезонлар белгилаб берилган.  Айниқса, доривор ўсимликларнинг генофондини сақлаб қолиш, кўпайтириш, уларни маданийлаштириш учун катта куч сарфланмоқда. Кенг миқёсда амалга оширалаётган ишлар шуни кўрсатадики, тайёр етиштирилган маҳсулотларни сотиш, экспорт қилиш бўйича кластерлар янги йўналишни - “Доривор ўсимликлар” саноат йўналишини вужудга келтирди.

Мазкур йўналишда Савдо-саноат палатаси ҳам доривор ва зиравор ўсимлик етиштирувчилар манфаатларини ҳар томонлама қўллаб-қувватлаб келмоқда. Нафақат юртимизда, балки чет давлатларда ҳам кўргазмалар ташкил этиш ва уларга маҳаллий доривор ва зиравор ўсимлик етиштирувчи тадбиркорларни кенг жалб этиш бўйича бир қатор лойиҳалар устида ишламоқда. Фаолиятини янгидан бошлаган доривор ва зиравор ўсимликлар етиштирувчилар учун бизнес фаолиятини йўлга қўйишда кўмаклашиш ҳам Палатанинг устувор мақсадларидан бири.

Савдо-саноат палатаси “Доривор ва зиравор ўсимлик етиштирувчиларни қўллаб-қувватлаш” бўлими xoдими, фармацевтика тармоғини ривожлантириш агентлигининг доривор хом ашё базаси сектори етакчи мутахассиси, Сурхондарё  ҳамда Қашқадарё вилоятларининг масъуллари биргаликда ҳудудлардаги умумий доривор ва зиравор ўсимликлар етиштириш ва қайта ишлаш билан шуғулланадиган фермер ва ташкилотларни ўрганиш мақсадида жойларда бўлди.

СУРХОНДАРЁ

Икки кун мобайнида вилоятдаги доривор ўсимликлар билан шуғулланувчи жами 6 та плантациялар ва  корхона ўрганилди. Шундай ташкилотлардан бири - “Boysun Lano” МЧЖ ланолин ишлаб чиқариш йўлга қўйилган корхонада ташкиллаштирилган ишлар билан танишиб чиқилди.

Лойиҳанинг умумий майдони 2 гектар бўлиб, умумий қиймати 22 миллиард 345 миллион сўмни ташкил этади. Лойиха жорий йилнинг 3-чорагида ишга туширилганида 20 та иш ўрни яратилган. Келгуси йил қўшимча 25 та янги иш ўрни яратиш  кутилмоқда.

“Ангор фарм” МЧЖ нинг қайта ишлаш ва плантация майдонларида 8 гектар ола ўт (растаропша) доривор ўсимлиги плантацияси ташкил этилгани аниқланди ҳамда 4 турдаги биологик фаол қўшимчалар ишлаб чиқариш йўлга қўйилган.

10 гектар майдонига стевия ўсимлигининг плантацияси ҳамда 0,5 гектар майдонли иссиқхонада стевия кўчатчилигини ташкил этган “Оллаёр охун” фермер хўжалигидаги ҳолат анча қувонарли - Ҳиндистон давлатидан стевия хом ашёсини қайта ишлайдиган, ундан шакар ўрнини босувчи стевиозид (шакардан 150-200 баробар) ва ребаудиозид (шакардан 350 баробар ширинроқ) моддасини ажратиб берадиган ускуна олиб келиниши бўйича музокаралар олиб борилмоқда.

Шунингдек, “Сурхон доривор ўсимликлари” ва “Хомкон Шеробод тараққиёт” ф/х, “Ажойиб аср” МЧЖ ларида ҳам бўлиб, ташкил этилган плантациялар билан танишиб чиқилди.   

ҚАШҚАДАРЁ

“Pinnacle world wide” қўшма корхонаси кластери раҳбари билан учрашувда бир қатор муаммолар борлиги аниқланиб, муҳокама марказида бўлди. Аниқланишича,  корхохнанинг 477 гектар майдони прокурор протести билан олиб қуйилган. Бу муаммони хал этиш бўйича ишлар олиб борилмоқда.

Дехқонобод туманида жойлашган “Eco comfort” хусусий корхонаси кўздан кечирилганида 300 гектар майдонда коврак плантацияси билан биргаликда хандон писта плантацияси ҳам ташкил этилаётгани аниқланди.

Доривор ўсимликлар экиш учун қизиқиш билдирган ташаббускор тадбиркор “BBU-AZAMAT” МЧЖ раҳбар ҳамда ходимлари билан учрашувда қизил ва қора гулхайри плантацияси учун зарур йўналишлар кўрсатилди. 

Шундан сўнг кластер ташаббускори “Камар дориворлари” МЧЖ раҳбари билан учрашилиб, 995,9 га табиий майдонларда доривор ўсимликлар парвариш қилинмоқда ва маданий ҳолда етиштирилмоқда.

ССП Ахборот-хизмати