Савдо-саноат палатаси раиси А.Икрамов Бўка туманида тадбиркорлар билан учрашув ўтказди.

2020 йил 21 октябр куни Бўка тумани ҳокимлигида Ўзбекистон Республикаси Савдо-саноат палатаси раиси А.Икрамов ҳамда Бўка тумани ҳокими Н.Аббосов билан биргаликда тумандаги тадбиркорлар билан учрашув бўлиб ўтди.

Шунингдек, учрашувда Савдо-саноат палатаси раисининг ўринбосари Ф.Тошпўлатов, Тошкент вилояти Прокурори С.Саматов, Тошкент вилояти Савдо-саноат палатаси худудий бошқармаси бошлиғи У.Акбаров, ва мутассади идора вакиллари иштирок этишди. 

Учрашувда қурилиш ишларини амалга ошириш, чорвачилик ва паррандачилик учун ер майдонлари ажратиш, хунадмандчилик сохасини ривожлантириш,  хамда бошқа давлатлардан йирик шохли чорва моллари олиб келиш мақсадида банк кредитлари ажратиш масаласи юзасидан тадбиркорлик субъектлари мурожаатлари тингланди.

Шу билан бирга, Савдо-саноат палатаси раиси А.Икрамов айни вақтларда туманда фаолият юритаётган ва яқин кунларда ишга туширилиши режалаштирилаётган корхоналар фаолияти билан яқиндан танишди.

Шунингдек, учрашув давомида тадбиркорлик субъектларининг фаолиятлари  давомида юзага келган муаммоалар ва уларни ҳал қилиш масалалари юзасидан мутасадди вакилларга тегишли кўрсатмалар берилди.   

ССП Ахборот-хизмати