Европа Иттифоқи томонидан молиялаштириладиган "Ўзбекистон ва Тожикистонда атлас ва ипак маҳсулотлари ишлаб чиқаришни барқарор ривожланишини тиклаш" лойиҳаси жамоаси иштирокида консултатив йиғилиш бўлиб ўтди.

29-30 октябр кунлари ССПда шу йилнинг ноябр ойи охирида бўлиб ўтадиган РУТСИС лойиҳасини бошлаш бўйича тадбирнинг ташкилий жиҳатларини муҳокама қилишга бағишланган маслаҳат мажлиси (онлайн) бўлиб ўтди.

Лойиҳа Марказий Осиёда барқарор истеъмол ва ишлаб чиқариш амалиёти орқали ипак ва атлас ишлаб чиқаришнинг барқарор ўсишини таъминлашга, шунингдек халқаро бозорларга чиқаришга қаратилган.

Учрашув давомида лойиҳанинг ташкилий жиҳатлари билан боғлиқ масалалар, шунингдек ноябр ойи охирида Германия, Тожикистон ва Ўзбекистон ташкилотлари, университетлари ва консалтинг компанияларини ўз ичига олган консорциум аъзолари раҳбарлари иштирокида лойиҳанинг очилиш маросимини ташкил қилиш масалалари муҳокама қилинди.

Лойиҳа Фарғона, Бухоро Андижон ва Тошкент вилоятларида жойлашган ипак ва атлас ишлаб чиқариш корхоналарни қамраб олиб, лойиҳа бюджети 2 миллион еврони ташкил қилади.

ССП Ахборот-хизмати