"Ўзбекистон-Озарбайжон" ишбилармонлар кенгашининг биринчи йиғилиши бўлиб ўтди.

Тадбирда Ўзбекистон томондан Ўзбекистон Республикаси Савдо-саноат палатаси раиси, Ишбилармонлар кенгаши Ўзбекистон бўлими ҳамраиси А. Икромов, Ўзбекистон Республикаси Туризмни ривожлантириш давлат қўмитаси раисининг ўринбосари У. Аъзамов, Фармацевтика саноатини ривожлантириш агентлиги директори С.Кариев ,Ўзбекистон Республикаси Қишлоқ хўжалиги вазирлиги бошқармаси раҳбари ўринбосари М. Абдусаматов иштирок этишди.

Озарбайжондан,Озарбайжон Республикаси Тадбиркорлари, (иш берувчилар) Миллий Ташкилотлари Конфедерацияси (АСК) Президенти, Ишбилармонлар Кенгашининг Озарбайжон қисми ҳамраиси М.Мусаев, Озарбайжон экспорт ва инвестцияларни ривожлантириш жамғармаси (АЗПРОМО) нинг инвестицияларни ривожлантириш департаменти директори З. Гадиров, Озарбайжон Республикаси Кичик ва ўрта бизнесни ривожлантириш агентлиги раиси ўринбосари Р. Атакишиев ва Озарбайжон туризим ассотсиацияси кенгаши раиси маслаҳатчиси М. Агакеримов иштирок этишди.

Тадбир аввалида Ишбилармонлар Кенгаши Озарбайжон бўлими ҳамраиси М.Мусаев табрик сўзи билан чиқиб, унда Ўзбекистон Савдо-саноат палатасига Озарбайжоннинг ҳамкор ташкилотлари билан қўшма лойиҳаларни амалга оширишда ўзаро фаол ҳамкорлик учун миннатдорлик билдирди.

Шундан сўнг, Ўзбекистон Савдо-саноат палатаси раиси ва Ишбилармонлар кенгашининг Ўзбекистон бўлими ҳамраиси А.Икромов кириш сўзи билан иштрок этиб, Ўзбекистон ўзаро тушуниш ва ишонч тамойилларига асосланган Ўзбекистон ва Озарбайжон ўртасидаги анъанавий дўстона муносабатларни юксак қадрлашини таъкидлади.

Ўзбекистон томонидан ахборот технологиялари соҳасидаги ўзаро алоқаларни фаоллаштиришни, ишбилармонлар кенгаши давлатлари ўртасида савдо ҳажмини ошириш учун электрон тижорат ва "онлайн платформалар" ни ривожлантиришга қаратилган қўшма лойиҳаларни амалга оширишни таклиф қилди.

Шунингдек, Озарбайжон томони Озарбайжоннинг ишбилармонлик муҳити ва инветиция имкониятлари ҳамда Қорабоғнинг иқтисодий салоҳияти ҳақида тақдимотлар қилди.

Онлайн форматда бўлиб ўтган учрашувда томонлар Ўзбекистон ва Озарбайжон ўртасидаги амалий ва узоқ муддатли ўзаро ҳамкорлик чораларини, шунингдек, икки мамлакат минтақалари ва йирик шаҳарлари ўртасида тўғридан-тўғри иқтисодий алоқаларни кенгайтириш имкониятларини муҳокама қилдилар. Шунингдек, улар сайёҳлик ва қишлоқ хўжалиги соҳасидаги ҳамкорлик имкониятларини кўриб чиқдилар.

Учрашув давомида томонлар тегишли мамлакатларда АСК ва Ўзбекистон Савдо-саноат палатасининг ваколатхоналарини очиш масаласини муҳокама қилдилар. Амалга оширилаётган ишлар инвестиция ва савдо салоҳиятини кенгайтириш имкониятини бериши алоҳида таъкидланди.

Тадбирдан сўнг томонлар Ўзбекистон-Озарбайжон ишбилармонлар кенгашининг навбатдаги йиғилишининг ўтказилиш  санаси ва жойи мавзусини кўриб чиқдилар.

Маълумот учун: 2020 йил январь ҳолатига кўра Ўзбекистонда Озарбайжон капитали иштирокидаги 178 та корхона фаолият юритмоқда, шундан 63 таси қўшма ва 115 та корхона 100% хорижий капитал асосида фаолият юритади. Фақатгина 2020 йил январь-сентябр оралиғида бўлган даврда, мамлакатларимиз ўртасидаги товар айланмаси 61,7 миллион долларни ташкил этади (+ 41,9%), шу жумладан. экспорт - 40,7 миллион доллар (+ 24,1%), импорт - 21 миллион доллар (+ 96,1%).

ССП Ахборот-хизмати