Лойиҳачи корхоналар диққатига !

Ўзбекистон Республикаси Президентининг 19.07.2019 йилда ПҚ-4399-сон Қарори билан Ўзбекистон Савдо-саноат палатасига Ҳалқаро тикланиш ва тараққиёт банки иштирокида “Фарғона водийсида қишлоқ тадбиркорлигини ривожлантириш” лойиҳасининг “Бизнес-инкубатор ва мураббийлик” 1.1 суб-компонентини амалга ошириш вазифаси юклатилган.

Мазкур суб-компонент доирасида Фарғона, Андижон ва Наманган вилоятларида 3 тадан (умумий 9 та) бизнес-инкубаторлар ташкил этиш кўзда тутилган.

Шу билан бирга, ушбу бизнес-инкубаторларни ташкил этиш учун Фарғона, Андижон ва Наманган вилоятларининг туманларида (жами 9 та) Савдо-саноат палатасига ажратилган биноларни таъмирлаш (реконструкция қилиш) ишларини бошлаш режалаштирилган.

Шу боис, Савдо-саноат палатаси бизнес-инкубаторлар биноларининг таъмирлаш ишларини бошлаш учун техник вазифалари хужжатларини тайёрлаш бўйича лойиҳачи корхоналарнинг тижорат таклифларини йиғмоқда.

Биноларнинг таъмирлаш ишлари учун техник вазифалари хужжатларини тайёрлаш имкониятига эга лойиҳачи корхоналарнинг тижорат таклифларини Палатанинг Ишлар бошқармаси r.gabidulin@chamber.uz электрон манзилига юборишларини сўраймиз.

ССП Ахборот-хизмати