ССП раиси А.Икрамов Булунғур туманида тадбиркорлар билан учрашув ўтқазди.

Савдо-саноат палатаси Раиси А.Икрамов  Самарқанд вилояти Булунғур туманида тадбиркорлар билан учрашув ўтказиб уларнинг фаолияти билан яқиндан танишди.

Жорий йилнинг 10 январь куни Савдо-саноат палатаси раиси А.Икрамов  Булунғур туманида фаолият юритаётган тадбиркорлар, жумладан “Мароканд Сифат” МЧЖнинг ип–калава ишлаб чиқариш ҳамда “Булунғур Сандвик” МЧЖнинг сабзавотларни қайта ишлаш фаолияти билан танишди.

Танишув давомида улар фаолиятида маҳсулот сифатини йўқотмайдиган қуритилган мева-сабзавотларни экспорт ҳажмини ошириш масалаларига катта эътибор қаратиш ҳамда  маҳсулотлар турларини янада кўпайтириш юзасидан таклифлар билдирди.

Бугунги кунда, мамлакатимиз раҳбари томонидан тадбиркорлик кўникмаси ва тажрибасига эга бўлган аҳолини ва бошқа кичик бизнес вакиллари салоҳиятини рўёбга чиқариш орқали улар фаолиятини кенгайтириш, ривожлантиришга қаратилган тўлақонли тизимни яратиш, аҳолининг тадбиркорликка қизиқиши, интилиши ва манфаатдорлик ҳиссини кучайтиришга қаратилган мотивацион чора-тадбирлар амалга оширилаётганлиги билан тадбиркорларни таништирди.

Хусусан, “Булунғур Сандвик” МЧЖ жаҳон бозорида юзага келган ҳолат янги (барра) кўкатлар бўйича Россия, Беларусь ва Украинада маҳсулот нархи ўсгани ҳамда аксинча, Грузия ва Тожикистонда маҳсулот нархи пасайганини кузатилгани ва Украина бозорида барра петрушка ўртача нархи 43% га ошгани ва умумий нархлар оралиғи 2,20-2,75 долл/кг етгани, укроп нархи сезиларли даражада ўсгани, бунда нархлар 1,83-2,57 оралиғида ҳамда кинза нархи эса 2,57-4,04 долл/кг бўлиб, нархлар пасайиш тенденциясига эга бўлаётганлиги тўғрисида маълумотлар берди.

Шу билан бирга, Ўзбекистон Республикаси Президентининг 2020 йил 7 майдаги ПҚ-4707-сон Қарорига мувофиқ, Экспорт қилишда автомобиль, темир йўл ва ҳаво транспортида ташиш харажатларининг бир қисми компенсация қилиниши, яъни ташиш харажатларини 50 фоизигача компенсация қилиниши натижасида тадбиркор ихтиёрига 80 млн. сўм миқдорида маблағлар тежаб қолинганлиги таъкидлаб ўтилди.

Учрашувлар давомида республика тадбиркорлари сингари Булунғурлик тадбиркорлар ҳам пандемия туфайли қабул қилинган Ўзбекистон Республикаси Президентининг 20 га яқин Фармон ва Қарорларида белгиланган имтиёзларнинг бир нечтасидан бир вақтнинг ўзида фойдаланганлигини билдиришди.

Бундан ташқари, “Навбахор” МФЙ худудида фаолият юритаётган ЯТТ “Эгамбердиева Мехри”  ва ЯТТ “Турақулов Шерзод” ларнинг иш фаолиятлари билан танишиб, улар фаолияти билан боғлиқ бўлган масалалар ва уларнинг ечими юзасидан  таклиф ва мулоҳазаларини билдирди.

ССП Ахборот-хизмати