Ўзбекистон Савдо-саноат палатаси Раисининг биринчи ўринбосари Палатанинг Жиззах вилоят ҳудудий бошқармаси масъуллари билан учрашди

Жорий йилнинг 12 январь куни Ўзбекистон Савдо-саноат палатаси Раисининг биринчи ўринбосари И.Жасимов Палатанинг Жиззах ҳудудий бошқармасида бўлиб, бошқарма фаолияти ва уларга яратилган шарт-шароитлар билан танишди.

Шунингдек, И.Жасимов раислигида вилоят ҳудудий бошқармаси масъуллари иштирокида йиғилиш ўтказилди.

Йиғилишда Палатанинг асосий вазифалари тадбиркорлик субъектларини қўллаб-қувватлаш, уларнинг ҳуқуқлари ва қонуний манфаатларини ҳимоя қилиш, бизнесни ташкил этиш, юритиш ҳамда ривожлантиришда ёрдам кўрсатиш эканлиги таъкидланиб, бу борада аниқ вазифалар белгилаб олинди.

Шунингдек, туман (шаҳар) Тадбиркорликка кўмаклашиш марказлари фаолиятини ривожлантириш, ходимларнинг масъулиятини ошириш, ўзаро ахборот алмашинувини яхшилаш ва тадбиркорлик субъектларига сифатли хизмат кўрсатиш соҳасига ҳам алоҳида эътибор қаратиш лозимлиги таъкидланди.

Бундан ташқари, йиғилиш давомида “Ҳар бир тадбиркор – ёшларга мададкор” ташаббусини амалга ошириш механизми бўйича тушунчалар берилилиб, мазкур ташаббусдан кўзланган асосий мақсад давлат – хусусий шерикчилик тамойилига асосланган ҳолда ёшларни банд қилиш механизмини яратиш эканлиги қайд этилди.

Шу тариқа ҳудудларда ёшлар билан ишлаш тизимининг самарадорлигини ошириш, “Ёшлар: 1+1” ташаббуси доирасида “Ёшлар дафтари”га киритилган фуқароларни тадбиркорлик кўникмалари ва касб-ҳунарга ўқитиш орқали уларнинг бандлигини ҳамда тадбиркорликка кенг жалб қилишни таъминлаш ишларини мутассади ташкилотлар билан ҳамкорликда самарали амалга ошириш лозимлиги билдирилиб, бу борада аниқ вазифалар белгилаб олинди.

ССП Ахборот-хизмати