Жиззах вилоятида “Ёш ватанпарварлар йиғини” бўлиб ўтди.

Ўзбекистон Президенти, Қуролли кучлар Олий Бош Қўмондони Ш.М.Мирзиёевнинг 2021 йил 11 январь куни Жиззах вилоятида жойлашган ҳарбий қисмларга ташрифи давомидаги  берилган топшириқлари ҳамда Ўзбекистон Республикаси Президентининг 2020 йил 13 октябрдаги ПҚ-4862-сонли “Аҳолини тадбиркорликка жалб қилиш тизимини такомиллаштириш ва тадбиркорликни ривожлантиришга доир қўшимча чора-тадбирлар тўғрисида”ги қарори ижросини таъминлаш мақсадида жорий йилнинг 26 январь кунида Жиззах вилояти Шароф Рашидов тумани “Олмачи” маҳалласи ҳудудида жойлашган Мудофаа Вазирлигига қарашли 25931-сонли ҳарбий қисмда “2021 йил Ёшларни қўллаб-қувватлаш ва аҳоли саломатлигини мустаҳкамлаш йили” муносабати билан, “Ёшлар дафтари”га киритилган ёшлар иштирокида “Ёш ватанпарварлар йиғини” лойиҳаси доирасида семинар тренинг ўтказилди

Ўзбекистон Савдо-саноат палатаси раиси,  Жиззах вилоят ҳудудий бошқармаси сектор мудирлари, бош мутахассислари, “Ёшлар келажагимиз” жамғармаси масъул ходимлари ҳамда АТБ “Микрокредитбанк” ходимлари билан ҳамкорликда 200 нафар шаҳар ва туманлардан ташкил топган ишсиз ёшлар орасида тадбиркорлик соҳасига қизиқувчи 125 нафар ёшлар билан ўз бизнесларини йўлга қўйиш бўйича “Ёш тадбиркорлар гуруҳи”, “Ёш бизнесменлар гуруҳи”, “Ёш иш билармонлар гуруҳи”, “Ёш иқтисодчилар гуруҳ”ларига бўлиниб ўқув машғулотлари бўлиб ўтказилмоқда. Қолган 75 нафар ёшлар “Ёш электротехниклар”, “Ёш пайвандчилар”, “Ёш чилангарлар”, “Ёш қурувчилар” гуруҳларга бўлинган ёшлар касб-ҳунарларга ўқитилиб келинмоқда.

Тренингда тадбиркорлик ва бизнес асосларининг бошланғич тушунчалари, тадбиркорлик фаолиятини йўлга қўйишда ва рағбатлантиришда янги ёндашув методлари ўргатилиб, ўқув жараёнларида энг фаол иштирокчиларга имтиёзли кредит олишлари учун махсус сертификатлар топширилиши режалаштирилган.

Жорий йилнинг 31 январь куни харбий қисмга Ўзбекистон Савдо-саноат палатаси раиси Адхам Илхамович Икрамов, вилоят ҳокими Эргаш Алибекович Салиев, “M FAKTOR” лойҳаси раҳбари Хасан Мамасаидов, “Korzinka.uz” супермаркетлар тармоғи маркетинг директори Малик Каримовлар ташриф буюришди ҳамда ёшлар билан учрашув бўлиб ўтди.

Учрашувда ўз бизнесларини ривожалантириш бўйича меҳмонлар мастер класс ўтқазишиб, фикр ва мулоҳазаларни билдириб ўтдилар. Ёшлар ўзларини қизиқтирган саволларга тўлиқ жавоб олдилар. “M FAKTOR” лойҳаси раҳбари, “Korzinka.uz” супермаркетлар тармоғи маркетинг директори энг қизиқарли савол соҳиби, энг яхши бизнес таклифларга ҳамда вилоятимиздаги энг фаол “IT TECHNOLOGY” дастурчиларнинг ҳар бирига 1 миллион сўмдан жами 20 миллион сўм миқдорида грант берилишини маълум қилишди.

Шундан сўнг, вилоят ҳокими бошчилигида меҳмонлар Жиззах “IT PARK” марказига ташриф буюришди. Ташрифда фаолият кўрсатаётган ходимлар ва ёшлар билан учрашилиб, уларнинг иш фаолиятлари билан яқиндан танишишди. Ёш дастурчилар ва лойиҳачилар ўзларининг амалга ошираётган ишларини кўрсатиб ўтдилар.

Бундан ташқари, Жиззах шаҳридаги 29-Меҳрибонлик уйига меҳмонларнинг ташрифи болажонларга чексиз қувонч олиб келди. Учрашувда меҳрибонлик уйи тарбияланувчиларнинг яшаш шарт-шароитлари билан танишиб, улар билан дилдан суҳбатлашдилар.

 Айниқса, “M FAKTOR” лойҳаси раҳбари барча меҳрибонлик уйи тарбияланувчиларига ҳар бири учун алоҳида исми шарифи акс эттирилган ручка, блокнот ва бошқа тарқатма жиҳозларини тақдим этиши, болажонларимизга янада руҳлантирилишига сабаб бўлди.

ССП Ахборот-хизмати