Замонавий мини-технологияларни саноат соҳаларига жалб қилиш масалалари муҳокама этилди

Ўзбекистон Савдо-саноат палатаси республикамизда саноат корхоналари учун мини-технология ва асбоб-ускуналарни олиб келиш тармоқдаги ишлаб чиқариш корхоналарини технологик модернизация қилиш муаммоларини ҳал этиш ҳамда маҳаллий корхоналар томонидан истиқболда асбоб-ускуналарни Ўзбекистонда ишлаб чиқариш йўналишларини белгилаш мақсадида 2016 йил 17 август куни ЎзССПнинг катта мажлислар залида мини-технология ва асбоб-ускуналарни ишлаб чиқарувчилар, хориждан етказиб берувчилар ҳамда мутасадди давлат органлари иштирокида давра суҳбатини ўтказди.

Давра суҳбатидан кўзланган асосий мақсад асбоб-ускуна ишлаб чиқаришда илғор технологиялар ҳамда замонавий ва маҳаллий материалларни қўллашнинг имкониятлари, тармоқ корхоналарида мавжуд технология ва жиҳозларни модернизация қилишнинг истиқболлари, янги турдаги мини-технологияларни ишлаб чиқаришни йўлга қўйиш ҳамда бу борадаги мавжуд тўсиқ ва муаммоларни бартараф этишга оид масалаларни муҳокама этиш ҳамда тармоқни келгусида ривожланишини таъминлашга қаратилган таклиф ва тавсияларни ишлаб чиқишдан иборатдир.

Унда “Худудларда саноат салохиятини ошириш ва мавжуд захира ва имкониятлардан самарали фойдаланиш йуллари”, “Замонавий технологиялар ва асбоб-ускуналар саноат ишлаб чиқариш корхоналарини яратишда солиқ имтиёзлари ва преференцияларини қўллаш имконияти”, “Тадбиркорлик субъектларнинг хусусий мулкини химоя килиш борасида олиб борилаетган ислохотлар ва бу борада кабул килинаетган норматив хукукий хужжатлар тўғрисида” каби мавзуларда маърузалар қилинди.

Давра сухбатида Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги, Ўзбекистон Республикаси Давлат рақобат қўмитаси, Давлат божхона қўмитаси, Давлат солиқ қўмитаси, Марказий банк масъул ходимлари, «Ўзстандарт» агентлиги, Олмалиқ кон металлургия комбинати, Ўзметкомбинати ва Навоий кон металлургия комбинати ва республикамизда асбоб-ускуна ишлаб чиқарувчи ва етказиб берувчи тадбиркорлик субъектлари иштирок этдилар.

Тадбир якунлари бўйича саноат корхоналари учун мини-технология ва асбоб-ускуналарни олиб келиш, тармоқдаги ишлаб чиқариш корхоналарини технологик модернизация қилиш муаммоларини ҳал этишга доир тавсиялар ишлаб чиқилди.

Тақдимотлар

ЎзР ССП Матбуот хизмати