Давлат ташкилотларида ҳам монополияга қарши комплаенс тизими жорий этилмоқда.

Ўзбекистон Республикаси Вазирлар Маҳкамасининг 2021 йил
2 мартдаги “Монополияга қарши комплаенс тизимини жорий этиш чора-тадбирлари тўғрисида”ги №-114-сон Қарори имзоланди.

Ушбу қарор билан “Давлат бошқаруви органлари, маҳаллий ижро этувчи ҳокимият органлари ва хўжалик юритувчи субъектларда монополияга қарши курашиш комплаенс тизимини жорий этиш ва унинг ишлаш тартиби тўғрисида”ги Низоми тасдиқланди.

Мазкур Низом қуйидагилар учун тадбиқ этилади:

• 2021 йил 1 январдан тажриба тариқасида давлат бошқаруви  органлари, маҳаллий ижро этувчи ҳокимият органларида ҳамда 2020 йил 6 июлдаги ПФ-6019-сон Фармонинг 5-илова билан тасдиқланган рўйҳатга киритилган давлат иштирокидаги корхонларда;
• 2022 йил 1 январдан табиий монополия субъектлари, товар ёки молия бозорида устун мавқега эга бўлган хўжалик юритувчи субъектлар, шунингдек, охирги 3 йилда товар сотишдан олинган жами тушумининг ўртача йиллик миқдори 30 миллард сўмдан ошадаиган корпоратив буюртмачиларда.

Низомга мувофиқ, қуйидагилар монополияга қарши комплаенс тизимининг асосий вазифалари ҳисобланади:

рақобат тўғрисидаги қонунчилик ҳужжатлари талабларининг эҳтимолий бузилиш хавфларини аниқлаш ва баҳолаш ҳамда уни бошқариш;

давлат бошқаруви органлари, маҳаллий ижро этувчи ҳокимият органлари ва хўжалик юритувчи суюъектлар фаолиятининг рақобат тўғрисидаги қонунчилик ҳужжатлари талабларига мувофиқлигини таъминлаш ва мониторинг қилиш;

давлат бошқаруви органлари, маҳаллий ижро этувчи ҳокимият органлари ва хўжалик юритувчи субъектлар фаолиятида рақобат тўғрисидаги қонунчилик ҳужжатлари талаблари бузилишининг ҳамда уларнинг раҳбарлари томонидан ўз вазифаларини бажариш жараёнида рақобатга зид хатти-ҳаракатлар амалга оширилишининг олдини олиш;

давлат бошқаруви органлари, маҳаллий ижро этувчи ҳокимият органлари ва  хўжалик юритувчи субъектларда монополияга қарши комплаенс тизимини ишлаш самарадорлигини баҳолаш ва таъминлаш;

давлат бошқаруви органлари, маҳаллий ижро этувчи ҳокимият органлари ва хўжалик юритувчи субъектларнинг ходимларида рақобат тўғрисидаги қонунчилик хужжатлари талаблари бузилишининг олдини олиш ва мунтазам равишда ушбу йўналиш бўйича уларнинг малакасини ошириш юзасидан ўқитиш йўли билан рақобат тўғрисидаги қонунчилик ҳужжатларига доир фикрларини ривожлантириш.

Давлат бошқаруви органлари, маҳаллий ижро этувчи ҳокимият органлари ва хўжалик юритувчи субъектларда ваколатли шахс (бўлинма) тайинланади.

Ваколатли шахс (бўлинма) монополияга қарши комплаенс тизимини жорий этиш, унинг фаолият юритишни таъминлаш ва мониторинг қилиш ишларини амалга оширади.

Комплаенс тизими иш самарадорлигини ошириш қуйидагилар томонидан баҳоланади:

• давлат бошқарув органларида  - раҳбар;
• маҳаллий ижро этувчи ҳокимият  органларида  - ҳоким;
• хўжалик юритувчи субъект – ижро этувчи орган ёки кузатув кенгаши.

ССП Ахборот-хизмати