Хива шаҳрида “Шарқ бозори” ташкил этиш режалаштирилмоқда.

Ўзбекистон Республикаси Вазирлар Маҳкамасининг “2021-2022 йилларда Хива шаҳрини комплекс ривожлантириш дастури тўғрисида”ги қарори лойиҳаси эълон қилинди.

Ўзбекистон Республикаси Президентининг 2020 йил 12-13 декабрь кунлари Хоразм вилоятига ташрифи давомида берилган топшириқлар ижросини таъминлаш мақсадида Хива шаҳрининг туризм салоҳиятини янада юксалтириш, инфратузилма объектларини ривожлантириш, хизмат кўрсатиш ва саноат ишлаб чиқариш ҳажмини ошириш, маданий мерос объектларини сақлаш тизимини такомиллаштиришни ўз ичига олган 2021-2022 йилларда Хива шаҳрини комплекс ривожлантириш дастурини тасдиқлаш юзасидан Ҳукумат қарори лойиҳаси ишлаб чиқилди.

Мазкур Қарор лойиҳасига кўра барча жабҳалар жумладан, ижтимоий соҳа объектлари, инфратузилма соҳасини тубдан яхшилаш, кўпқаватли турар жой мажмуаларини барпо этиш, ободонлаштириш ишлари, маданий объектларни реконструкция қилиш ва янги маданият уйларини ташкил этиш назарда тутилган.

Шу билан биргаликда, Қарор лойиҳасида “Ичон қалъа” давлат музейи қўриқхонаси “Карвон сарой” маданий мерос объекти негизида ҳунармандчилик маҳсулотларини мастер класс тарзида ишлаб чиқариш ва сотишга мўлжалланган “Шарқ бозори”ни ташкил этиш белгиланмоқда.

ССП Ахборот-хизмати