Қашқадарё вилояти сектор раҳбарларининг тадбиркорлар ва жамоатчиликка мурожаати ташкил қилинди.

Жорий йилнинг 14 апрель куни Қашқадарё вилояти ҳокими З.Мирзаев бошчилигидаги сектор раҳбарларининг "Ҳар бир тадбиркор ёшларга мададкор" дастури доирасида тадбиркорлар ва жамоатчиликка аҳоли бандлигини таъминлаш ва ёшларни тадбиркорликка жалб қилиш бўйича амалга оширилиши режалаштирилаётган ишлар бўйича мурожаатлари бўлиб ўтди.

Мазкур тадбирда Савдо-саноат палатаси Қашқадарё вилояти ҳудудий бошқармаси бошлиғи Ў.Пардаев ҳам ўз нутқи билан иштирок этди

Мазкур мурожаатда вилоят ҳокими томонидан ҳудуддаги тадбиркорлик муҳити тўғрисида маълумот берилди. Таъкидланишича Вилоятда жами 57 483 та кичик тадбиркорлик субъектлари давлат рўйхатидан ўтган бўлиб, уларнинг 28 867 таси юридик, 28 616 таси ЯТТ шаклида.

Тадбиркорлик соҳасига жами 1,5 трлн. сўм ёки ўтган йил 1-чорагига нисбатан 341 млрд. сўм кўп кредитлар ажратитилди.Шундан, оилавий тадбиркорликни ривожлантиришга 150 млрд. сўм кредит маблағлари йўналтирилган.   

Шу билан бирга биринчи сектор раҳбари томонидан тадбиркорликни ривожлантириш бўйича вилоятда йўл қўйилган ҳато ва камчиликлар танқид қилиниб, уларни бартараф этиш юзасидан бир қатор таклиф ва топшириқлар берилди.  

«Ҳар бир тадбиркор – ёшларга мададкор» тамойили юзасидан келгусида тадбиркорларга тарғибот ва ташвиқот ишлари олиб борилиб, жорий йилнинг октябрь-ноябрь ойига қадар вилоятда 13 000 дан ортиқ ёшларни иш билан таъминлаш режалаштирилганлиги таъкидлаб ўтилди.

Тадбиркорлик соҳасида 2021 йилда белгиланган кўрсаткичларни 30 фоизга ошириш механизими тасдиқланди,

Унга кўра:

1. 2021 йил якунига қадар 83 минг ишсиз аҳолини бандлигини таъминлаш бўйича янгиланган режа белгиланди.

2. Бугунги кунда вилоятда вақтинча фаолият кўрсатмасдан келаётган 4386 та корхоналар ҳудудлар, секторлар ва маҳаллалар кесимида номма-ном ўрганиб чиқилади.

3. 26 та кичик саноат зоналари ташкил қилинади. Шундан, 15 таси ёшлар кичик саноат зонаси.

4. Қишлоқ хўжалиги соҳасида қиймати 504 млрд. сўмлик 32 633 та лойиҳаларни амалга оширилади.

5. Хизмат кўрсатиш соҳаларига мўлжалланган 1650 та енгил конструкцияли нуқталари ташкил этилади.

6. «Аёллар дафтари» ёки «Ёшлар дафтар»ига киритилганларни бандлигини таъминлаш энг устувор масала сифатида қаралади.

ССП Ахборот-хизмати