“Ёшлар:1+1” дастури давом этмоқда

Ўзбекистон Савдо-саноат палатаси Самарқанд вилоят ҳудудий бошқармаси ҳузуридаги Самарқанд шаҳар “Тадбиркорликка кўмаклашиш маркази” ҳамда Иқтисодий тараққиёт ва Камбағалчиликни қисқартириш вазирлиги ҳузуридаги Бизнес ва тадбиркорлик олий мактаби Самарқанд вилоят ҳудудий бўлими томонидан 24 нафар ёшлар  ва хотин-қизлар 14 кун давомида Бизнес ва тадбиркорлик олий мактабининг маҳоратли тренерлари томонидан тренинглар, муваффақиятли тадбиркорлар корхоналарида ўтказилган мастер классларга фаол қатнашиб, 60 соатлик “Аҳолини (ёшлар ва хотин-қизларни) тадбиркорлик кўникмаларига ўқитиш ўқув курсини муваффақиятли тугатиб  имтиёзли сертификатларга эга бўлишди.

Шунингдек, Ўзбекистон Савдо-саноат палатаси Самарқанд вилоят ҳудудий бошқармаси ҳузуридаги Каттақўрғон туман “Тадбиркорликка кўмаклашиш маркази” томонидан “Ҳар бир тадбиркор – ёшларга мададкор” тамойили асосида “Ёшлар дафтари”га киритилган ҳамда "Аёллар темир дафтари"да турган ишсиз хотин-қизларни “Ёшлар: 1+1” дастури доирасида "Тадбиркорлик ва бизнес юритиш кўникмалари" мавзусида ўқув кўрсларининг 6-босқичи давом этмоқда (ўқув-кўрслари 6 кун давом этади). Ушбу ўқув-семинар "Микро кредит банк" "Давлат Хизматлари Агентлиги", "Ёшлар ишлари агентлиги", "Ҳунарманд уюшмаси" малакали ходимлари томонидан олиб борилмоқда.

Айнан шу тамойил остида Ўзбекистон Савдо-саноат палатаси Самарқанд вилоят ҳудудий бошқармаси ҳузуридаги Оқдарё туман “Тадбиркорликка кўмаклашиш маркази” томонидан "Тадбиркорлик ва бизнес юритиш кўникмалари" мавзусида ўқув кўрсларининг 7-босқич ўқув семинарнинг 5 куни давом этмоқда.

ССП Ахборот-хизмати