Ўзбекистон - Латвия Ишбилармонлар кенгашининг биринчи йиғилиши бўлиб ўтди.

Жорий йилнинг 20 апрель куни видеоконференцалоқа форматида Ўзбекистон-Латвия Ишбилармонлар кенгашининг биринчи йиғилиши бўлиб ўтди. Мазкур тадбирда ўзбек томонидан, Ўзбекистон Савдо-саноат палатаси раисининг ўринбосари, Ўзбекистон-Латвия ишбилармонлар кенгашининг ўзбек томонидан ҳамраиси Ф.Усманов, Ўзбекистон экспортчилар уюушмаси раиси Мухтор Умаров, Фармацевтика саноатини ривожлантириш агентлиги ҳалқаро алоқалар бошқармаси бошлиғининг ўринбосари Б.Худойбердиев иштирок этди.

Латвия томонидан, Латвия иш берувчилар конфедерацияси (LDDK) Президенти В.Гаврилов, Латвия-Ўзбекистон Ишбилармонлар кенгашининг Латвия томонидан ҳамраиси Янис Мозг ва мутасаддилар иштирок этишди.Шунингдек  мазкур Тадбирда ҳар икки мамлакатнинг Фавқулодда ва муҳтор элчилари Қакдамбой Султонов ва Михаилс Попковслар ҳам иштирок этишди.

Тадбир давомида Савдо-саноат палатаси раисининг ўринбосари Ф.Усманов сўзга чиқиб, 2021 йил 10 апрелдан Ўзбекистон Европа Иттифоқига 6200 турдаги товарларни божсиз экспорт қилишга имкон берувчи GSP+ имтиёзлар тизимига қўшилганини ва бу Европа малакатлари билан янада мустаҳкам ҳамкорлик ўрнатишга қулай асос бўлишини таъкидлаб ўтди.

Шунингдек Палата раиси ўринбосари томонидан Латвия компаниялари иштирокида инвестицион лойиҳаларини амалга ошириш Ўзбекистон-Латвия савдо-иқтисодий алоқаларини янада ривожлантириш учун қўшимча имкониятлар яратишига ишонч билдиилди.

Тадбир давомида Ўзбекистон экспортчилар уюшмаси раиси ҳамда Фармацевтика агентлиги вакили томонидан Ўзбекистонниинг иқтисодий салоҳияти бўйича ўз соҳалари доирасида маълумотлар бериб ўтилди.

Шу билан бирга Латвия томонидан ҳам ўзбек корҳоналари фаолиятига қизиқиш билдирилиб, ҳамкорлик учун доимо тайёр эканликлари таъкидланди.  

Маълумот учун: 2020 йил охирида. ўзаро савдо айланмаси 367,7 миллион долларни ташкил этди. Ҳозирги кунда Ўзбекистонда Латвия инвесторлари иштирокида 65 корхона, шу жумладан 45 қўшма корхона ва 100 фоиз Латвия капитали иштирокидаги 20 корхона фаолият юритмоқда.      

ССП Ахборот-хизмати