Тадбиркорликни ривожлантириш борасида амалий ишлар олиб борилмоқда

Хабарингиз бор, Президентимиз раҳбарлигида аҳолини иш билан таъминлаш, халқимиз турмуш фаровонлигини ошириш, тадбиркорликни ривожлантириш борасида кенг кўламли ишлар амалга оширилмоқда. Бу борадаги ишлар Тошкент шаҳри туманларида тадбиркорликни ривожлантиришда юзага келаётган муаммоларни ўрганиш ва ҳал этиш бўйича тадбиркорлар билан учрашувлар ўтказиб келинмоқда. Навбатдаги учрашув жорий йилнинг 21 апрель куни пойтахтимизнинг Сергели туманида бўлиб ўтди.

Автобизнесмарказга йиғилган тадбиркорларнинг мурожаатлари  Тошкент шаҳар Савдо саноат палатаси,  шаҳар Давлат солиқ бошқармаси, Марказий банк, Давлат активларини бошқариш агентлиги ва бошқа қатор йўналишлар бўйича мутасаддилар  томонидан тингланди ва хал этиш учун йўналтирилди.

Учрашув давомида тадбиркорларнинг ижара, кредит, ҳунармандчилик ва бошқа масалалар бўйича қатор мурожаатлари кўриб чиқилди.

Режага кўра, бошқа туманларда ҳам тадбиркорлар билан учрашувлар давом этади.

ССП Матбуот хизмати