ССП раисининг ўринбосари Термиз туманида бўлди

Савдо-саноат палатаси томонидан ҳудудларда тадбиркорликнинг ривожлантириш, ёшларни тадбиркорликка ўқитиш ва улар бандлигини таъминлаш, кичик саноат зоналарида амалга оширилаётган лойиҳалар билан танишиш ва тадбиркорлар томонидан қилинаётган мурожаатлар билан ишлаш ҳолатларини ўрганиш мақсадида туманларда ўрганиш ишлари олиб борилмоқда.

Ҳусусан, Савдо-саноат палатаси раисининг ўринбосари Ж.Мамажанов айни кунларда Сурҳандарё вилоятига ташриф буюриб юқорида санаб ўтилган масалалар бўйича Термиз туманида мутасаддилар ва тадбиркорлар билан учрашди.

Термиз туманига амалга оширилган иш сафари давомида Бош вазирнинг тадбиркорлар мурожаатларини кўриб чиқиш қабулхонаси томонидан тадбиркорлар мурожаатлари билан ишлаш ва мижозбай ишлаш натижадорлиги бўйича масъуллар билан учрашув ташкил этилди.  Учрашув давомида ҳудудда фаолият юритаётган тадбиркорлар томонидан энг кўп мурожаат бўлаётган масаларни кўриб чиқиш ва уларни ҳал этиш юзасидан муҳокамалар ўтказилди.

Шундан сўнг Раис ўринбосари “Кичик саноат зонаси”да амалга оширилаётган лойиҳалар билан танишиш ва лойиҳа ташаббускори бўлган тадбиркорлар билан учрашиш мақсадида “Нурафшон” МФЙда жойлашган “Ёшлар кичик саноат зонаси”га ташриф буюрди. Ташриф давомида саноат зонасида фаолият юритаётган тадбиркорлар билан учрашув ташкил этилиб, улар томонидан ишлаб чиқарилаётган маҳсулотлар билан танишилди.

Шунингдек ташриф давомида шу ҳудудда фаолият юритаётган “Афросиёб парранда” МЧЖ  ўрганилиб, фаолиятни янада ривожлантириш бўйича корхона раҳбарига бир қатор тавсиялар берилди.

Дастурда белгиланган навбатдаги объект ёшлар штаби бўлиб, у ерда Ж.Мамажонов томонидан  “Ёшлар: 1+1” ташаббуси доирасида туманда амалга оширилаётган ишлар, масъуллар томонидан кўрилаётган чоралар билан танишилди.

Сурҳандарё вилоятининг туманларида амалга оширилаётган ишларни ўрганиш тадбирлари давом этмоқда.

ССП Ахборот-хизмати