Маҳаллий товар белгиларини дунёнинг ТОП-5000 брендлари қаторига киришини таъминлаш масалалари муҳокама қилинди.

Жорий йилнинг 28 апрель куни Савдо-саноат палатаси Иқтисодий тараққиёт ва камбағалликни қисқартириш вазирлиги, Инновацион ривожланиш вазирлиги, Интеллектуал мулк агентлиги, Тадбиркорликни ривожлантириш агентлиги мутахассислари иштирокида видеомулоқот тарзида учрашув бўлиб ўтди.

Мазкур учрашувда маҳаллий товар белгиларини дунё брендлари қаторига кириш имкониятини ўрганиш, бу борада халқаро консалтинг ташкилотларини жалб қилиш ва улар билан ўзаро ҳамкорлик қилиш масалалари муҳокама қилинди.

Тадбир якунида тегишли вазирлик ва идоралар билан соҳада амалга ошириладиган ишларни тизимли ташкил этиш мақсадида:

- маҳаллий товар белгиларини дунё брендлари қаторига кириш имкониятини ўрганиш;

- маҳаллий корхоналарнинг товар белгиларини алоҳида таниқлилик белгиларини ривожлантириш;

- товар белгиларининг таниқлилигини таъминлаш бўйича маркетинг тадқиқотини ўтказиш ва маҳаллий корхоналар учун намунавий маркетинг режасини ишлаб чиқиш;

-тадбиркорлик субъектларининг ушбу соҳадаги малакасини ошириш бўйича тизимли семинарлар, тренинглар ва маҳорат дарсларини ташкил қилиш масалаларини қамраб оладиган идоралараро чора-тадбирлар режасини ишлаб чиқишга келишиб олинди.

ССП Матубот хизмати