ССП раиси бошчилигидаги ишчи гурухи Сурҳандарё вилоятига ташриф буюрди.

Жорий йилнинг 6 апрель куни Савдо-саноат палатаси раиси А.Икрамов бошчилигидаги ишчи гуруҳ Сурҳондарё вилоятининг Бойсун, Қизириқ, Шеробод туманларида ўрганишлар олиб борди. Учрашувлар давомида вилоятнинг барча туманларида Тадбиркорлар мурожаатлари билан ишлаш ҳолати, тадбиркорликни ривожлантириш ва уларнинг яшовчанлигини ошириш, Кичик саноат зонаси”да амалга оширилаётган лойиҳалар билан танишиш “Ёшлар: 1+1” ташаббуси доирасида туманда амалга оширилаётган ишларни самарали ташкил этиш масаласи кўтарилди.o

 Шунингдек вилоят Солиқ бошқармаси, Марказий банк, Бандлик ва меҳнат муносабатлари, Бизнес омбудсман ва туман масъуллари билан тегишли масалаларда музокаралар ўтказилди.

Учрашувлар давомида Ёшларни тадбиркорликка ўқитиш ва бизнесга йўналтириш, "1+1"лойиҳасини сифатли ва самарали ташкил этиш бўйича тегишли тавсиялар берилди. Шу билан бирга ССП раис тадбиркорлик курсларида таҳсил олаётган ёшлар билан мулоқот ўтказиб, уларнинг келгусида қайси йўналишларда ўз фаолиятларини олиб боришлари билан қизиқди ва ёшларнинг ташаббуслари тингланди

Шунингдек туманларда фаолият юритаётган кичик саноат зоналарига ҳам ташриф уюштирилиб, амалга оширилаётган лойиҳалар билан танишилди. Қолаверса, тадбиркорларнинг мавжуд муаммолари ўрганилди ва мутасаддиларга масалаларни ҳал қилиш бўйича кўрсатмалар берилди.  

Шу билан бирга Бош вазир қабулхоналарига тадбиркорлардан келиб тушаётган мурожаатлар билан ишлаш ҳолати ўрганилди ва паст кўрсаткичли ҳудуларда ишларни тизимли ташкил этиш бўйича тавсиялар берилди.  

ССП Ахборот-хизмати