Ёшлар 1+1" ташаббуси доирасида амалга оширилаётган ишлар бўйича видеоселектор бўлиб ўтди.

Жорий йилнинг 6 май куни Савдо-саноат палатаси раиси А.Икрамов бошчилигида Фарғона вилояти ҳокимининг биринчи ўринбосари А.Уринбоев билан биргаликда шаҳар ва туман хокимларининг биринчи ўринбосарлари, Савдо-саноат палатаси ва шаҳар туман бўлимлари, Давлат солиқ инспекцияси, молия, банклар, Савдо-саноат палатасинининг шаҳар ва туман бўлимлари  ҳамда мутасадди ташкилотлар иштирокида "Ёшлар 1+1" ташаббуси доирасида кўрилаётган чоралар билан олиб борилаётган ишлар юзасидан видеоселектор булиб ўтди. Ушбу селекторда жойларда тадбиркорликни ривожлантириш ва “1+1” ташаббуси доирасида амалга оширилаётган ишлар, яъни ёшлар дафтарига киритилган фуқароларни тадбиркорликка ўқитиш ва уларни тадбиркорлик субъектларига бириктириш орқали бандлигини таъминлаш бўйича амалга оширилаётган ишлар мухокама этилди.

Тадбир давомида Палата раиси А.Икрамов янги кичик бизнес субъектлари ташкил этиш, қолаверса “Ёшлар:1+1” ташаббуси доирасида “Ҳар бир тадбиркор – ешларга мададкор” шиори остида ташаббускор тадбиркорларга ешларни бириктириш, қолаверса уларни тадбиркорлик кўникмаларига ўқитиб, уларга кредит ажратиш масалаларини янада ривожлантириш кераклигини алохида таъкидлади.

Мажлис давомида туман ва шаҳарларда тадбиркорлик фаолияти учун зарур бўлган инфратузилма билан боғлиқ муаммоларни ўрганиш зарурлиги таъкидланди. Шу билан бирга мавжуд бир қанча муаммоларни ҳал этиш бўйича таклифлар кўриб чиқилди.

Тадбир сўнгида "Ёшлар 1+1" ташаббуси доирасида ёшларни ўқитиб, уларни “Ҳар бир тадбиркор – ешларга мададкор” шиори остида тадбиркорларга бириктирган холда иш билан таъминлаш, келгусида бу орқали янги иш ўринларини ташкил этишга шароит яратиб бериш бўйича амалга оширилиш механизми келишиб олинди ва мутасадди рахбарларга тегишли топшириқ ва кўрсатмалар берилди.

ССП Матбуот хизмати